Cuntegn da la pagina

Promoziun da l'integraziun professiunala da fugitivas e fugitivs renconuschids sco er da persunas admessas provisoricamain

L'integraziun da fugitivas e fugitivs renconuschids e da persunas admessas provisoricamain en il mund da lavur è la premissa per ina vita independenta.

La promoziun da l'integraziun professiunala iniziada dal post spezialisà per l'integraziun cumpiglia en spezial las suandantas finamiras:

  • sclerir – en il rom da giudicaments (assessments), da programs d'engaschament, da lavuratoris e d'engaschaments da lavur – las capacitads professiunalas, las cumpetenzas socialas, l'abilitad da supportar squitsch sco er la motivaziun da las persunas che tschertgan ina plazza
  • preparar sistematicamain las persunas che tschertgan ina plazza per il martgà da lavur indigen cun intermediar cumponentas-clav ch'èn relevantas per il martgà da lavur sco punctualitad, fidaivladad, acceptanza da las pretensiuns envers la prestaziun e.u.v.
  • intermediar forzas da lavur motivadas che han enconuschientschas dal tudestg dal nivel A2 ad interpresas adattadas
  • accumpagnar e sustegnair gratuitamain sin giavisch u tenor basegn las patrunas ed ils patruns sco er las lavurantas ed ils lavurants
  • sustegn finanzial p.ex. contribuziuns per l'introducziun en la lavur (pretenda ch'ina dumonda respectiva vegnia inoltrada)

Ultra da la voluntad e da l'engaschament da la persuna che tschertga ina plazza dovri er patrunas e patruns che porschan schanzas d'entrar en ina lavur en furma d'emnas da fufragnadi, da praticums ubain d'engaschaments temporars u fixs. Per patrunas e patruns interessads ch'èn pronts da promover il potenzial professiunal d'in uman d'in auter circul cultural stattan gugent a disposiziun ils assistents Christoph Buschor, Adrian Mäder ed Jürg Brüesch dal post spezialisà per l'integraziun cun ulteriuras infurmaziuns.