Per differents motivs poi capitar ch'ina persuna sto s'orientar da nov en il mund da lavur. Sche pliras instituziuns sustegnan questa tschertga, poi mintgatant esser difficil da savair, tgi ch'è cumpetent per tge. Questa collavuraziun interinstituziunala (CII) empruvain nus d'optimar cuntinuadamain, per che la via (enavos) en il mund da lavur saja curta e persistenta.

Las suandantas sis instituziuns èn partenarias e partenaris da la CII:

• Uffizi per la furmaziun professiunala (UCFP) cun il Management da cas Furmaziun professiunala da la Cussegliaziun da professiun, da studi e da carriera
• Uffizi per industria, mastergn e lavur (UCIML) cun l'Intermediaziun da lavur CIL
• Uffizi da migraziun e da dretg civil cun il Post spezialisà per l'integraziun
• Uffizi dal servetsch social dal Grischun (USo) cun ils servetschs socials regiunals
• Institut d'assicuranza sociala dal Grischun (IAS) cun l'assicuranza d'invaliditad (AI)
• Suva