Cun passa 26 appels a perditgas ha la Polizia chantunala dal Grischun dumandà quest onn la populaziun da gidar a sclerir cas. Bleras giadas è quest agid curunà da success.

In accident da traffic a Tavau, tar il qual i n'è betg stà cler, co ch'el è capità, u in accident da muntogna al Piz Bernina.  Cuntravenziuns sin la A13 a Maiavilla u in accident da skis a Samignun. Infracziuns, enguladitschs da chaschas da collecta, vehichels engulads u er graffitis. En in pèr da quests cas ha la Polizia chantunala dal Grischun duvrà perditgas u persunas che han fatg constataziuns en chaussa. Actualmain èn vegnids publitgads passa 20 appels a perditgas l'onn 2020. En 14 cas èn entradas infurmaziuns che han sustegnì l'activitad d'investigaziun e che han gidà a sclerir il cas. La Polizia chantunala dal Grischun engrazia la populaziun per sia collavuraziun.