Departement für Infrastruktur, Energie und Mobilität
Departament d'infrastructura, energia e mobilitad
Dipartimento infrastrutture, energia e mobilità
23.06.2025
La Regenza ha approvà il project collectiv «Reparaziun d'ovras da protecziun 2025» da differentas vischnancas, da la Viafier retica e da l'Uffizi da construcziun bassa dal Grischun.
18.06.2025
La Regenza ha approvà las mesiras d'urgenza, ch'èn gia vegnidas realisadas per segirar la sbuvada da la spunda Traversa tranter Andeer e Sufers.
La Regenza ha prendì enconuschientscha da la petiziun «Cunter reducziuns da la sveltezza a Tavau – Na a tempo 30!».
18.08.2025
En il sectur da la Ruinaulta installescha l'Uffizi da construcziun bassa raits da protecziun cunter crudadas da crappa, quai per proteger in plazzal planisà.
La Regenza ha approvà il project «Rempar Casti, nova protecziun cunter crudadas da crappa» da la Viafier retica SA e permess contribuziuns tenor la Lescha chantunala davart il guaud sco er tenor la cunvegna da program da la nova gulivaziun da finanzas (NGF) cun la Confederaziun en il sectur «Privels da la natira gravitativs tenor la Lescha dal guaud».
La Regenza ha approvà in project da sanaziun cunter canera en la vischnanca da Breil.
14.08.2025
La Regenza ha approvà in project da la citad da Cuira per curreger la Plessur.
06.08.2025
Suenter bunamain in decenni da planisaziun e realisaziun è vegnì terminà a Trimmis cun success l'emprim project da cumpensaziun reala en il chantun per runcadas sin ina surfatscha pli gronda.
21.07.2025
Venderdi, ils 25 da fanadur 2025, metta l'Uffizi da construcziun bassa uffizialmain en funcziun la nova punt da la Val da Tersnaus.
17.07.2025
Glindesdi proxim cumenzan las lavurs da construcziun da la via dal Güglia (H3a) sin il traject Rosenhügel – Hohenbühlweg a Cuira.
07.07.2025
La Regenza ha approvà il project «Batschigl d'aua da stizzar fieu Munt» da la vischnanca da Trun ed ha garantì ad ella ina contribuziun chantunala da maximalmain 360 000 francs.
La Regenza ha approvà in project da la vischnanca da San Murezzan per la correcziun da l'Ovel da la Resgia e garantì a la vischnanca contribuziuns tenor la Lescha davart la correcziun dals curs d'aua sco er tenor la cunvegna da program da la NGF cun la Confederaziun, sectur «Privels da la natira gravitativs tenor la Lescha davart la correcziun dals curs d'aua».
La Regenza ha approvà il project «Construcziun d'ina nova via da maschinas Toua, Preda» da la vischnanca da Bravuogn Filisur ed ha garantì ad ella ina contribuziun chantunala da maximalmain 158 360 francs.
La Regenza ha approvà il project «Renovaziun da la via d'avertura dal guaud chantunal Zavragia» en la vischnanca da Trun.
03.07.2025
Las dumbraziuns 2025 mussan, che las populaziuns da tschiervs èn sa diminuidas marcantamain cumpareglià cun l'onn avant.
La Regenza ha approvà il project «Mesiras immediatas pervia dals donns da malaura en la Mesolcina dals 21-06-2024» da las vischnancas da Mesauc, Soazza, Lostallo, Cama, Grono e Roveredo sco er da l'Uffizi da construcziun bassa dal Grischun.
Per la renovaziun da la concessiun respectivamain per il nov concessiunament da l'Ovra electrica Tinizong ha la Regenza approvà la fundaziun d'ina societad da project cuminaivla tranter la vischnanca da Surses ed il chantun en furma d'ina societad anonima.
La Regenza ha prendì posiziun davart la midada da la Lescha federala davart agids finanzials subsidiars per salvar interpresas dal sectur da l'energia electrica relevantas per il sistem (LFiEl).
30.06.2025
La Regenza ha approvà in project da la vischnanca da Segl per la correcziun da l'Ova dal Munt e garantì ad ella contribuziuns tenor la Lescha davart la correcziun dals curs d'aua sco er tenor la cunvegna da program da la NGF cun la Confederaziun, sectur «Privels da la natira gravitativs tenor la Lescha davart la correcziun dals curs d'aua».
La Regenza ha approvà il project «Rempar da lavinas Val dal Sbrudà – rempar cumplementar» da l'Uffizi da construcziun bassa e permess contribuziuns als custs totals da 990 000 francs.
La Regenza ha approvà il project «Rempar cunter crudadas da crappa Brombänz, Tavau» da la Viafier retica SA e permess contribuziuns tenor la Lescha chantunala davart il guaud sco er tenor la cunvegna da program da la NGF cun la Confederaziun, sectur «Privels da la natira gravitativs tenor la Lescha dal guaud».
26.06.2025
En collavuraziun cun l'Uffizi federal d'ambient (UFAM) ha l'Uffizi da guaud e privels da la natira elavurà ina nova cunvegna da program Guaud 2025 – 2028, ch'è vegnida suttascritta da la cussegliera guvernativa Carmelia Maissen.
La Regenza ha approvà in project da la vischnanca da Poschiavo per la correcziun da la Val Beton ed ha garantì per quest intent contribuziuns tenor la Lescha davart la correcziun dals curs d'aua, tenor la Lescha davart las vias e tenor la cunvegna da program da la NGF cun la Confederaziun, quai en il sectur «Privels da la natira gravitativs tenor la Lescha davart la correcziun dals curs d'aua».
La Regenza ha approvà il project da rempars cunter crudadas da crappa e cunter lavinas «Schmelzboden (Viafier retica), Tavau», ed ha concedì contribuziuns als custs tenor la Lescha chantunala davart il guaud e tenor la cunvegna da program da la NGF cun la Confederaziun en il sectur «Ovras da protecziun e basas davart ils privels».