Lavur d'utilitad publica 

La lavur d'utilitad publica (LUP) è ina furma da l'execuziun da chastis. La LUP è in'expiaziun dal chasti socialmain cumpatibla en furma da la prestaziun da lavur gratuita a favur d'instituziuns socialas u d'ovras d'interess public, per exempel en ina chasa da persunas attempadas, en in ospital u en in manaschi communal. L'autoritad d'execuziun sclerescha ensemen cun la persuna sentenziada las pussaivladads d'acziun ed intermediescha in lieu da lavur adattà. Ella fixescha la perioda, entaifer la quala la LUP sto vegnir prestada. La LUP sto vegnir prestada entaifer maximalmain 2 onns, en cas da multas entaifer 1 onn. Per emna ston per regla vegnir prestadas almain 8 uras lavur d'utilitad publica.

La LUP è pussaivla per chastis da maximalmain 6 mais. Plirs chastis vegnan quintads ensemen.

...directivas e dumondas