Navigation

Inhaltsbereich

Mesa-praschunia
 

Mesa-praschunia 

La mesa-praschunia (MP) è ina furma da l'execuziun da chastis. En la MP cuntinuescha la persuna sentenziada cun sia lavur actuala, cun sia scolaziun u cun sia occupaziun durant l'expiaziun dal chasti e passenta il temp da paus ed il temp liber en l'instituziun d'execuziun. L'instituziun d'execuziun fa ensemen cun la persuna sentenziada il plan d'execuziun. Quel cuntegna en spezial il temp da sortir a la lavur ed il temp d'entrar en il stabiliment d'execuziun. Questas uras èn coordinadas cun il temp da lavur. Per di da lavur stattan a disposiziun a la persuna sentenziada maximalmain 14 uras ch'ella po passentar ordaifer l'instituziun d'execuziun, saja quai per lavurar, per sa scolar u per autras occupaziuns, per mangiar, per far cumpras, per ir tar il medi, per liquidar chaussas administrativas sco er per far terapias individualas e collectivas. La persuna sentenziada sto per regla passentar 2 dis per emna en l'instituziun d'execuziun. Persunas en mesa-praschunia na pon betg vegnir visitadas durant lur dimora en l'instituziun d'execuziun.

La MP è pussaivla per chastis da detenziun da fin maximalmain 12 mais sco er per chastis restants (suenter la deducziun da l'arrest d'inquisiziun e da segirezza) da maximalmain 6 mais. Plirs chastis vegnan quintads ensemen.

...diretivas e dumondas