L’Uffizi da sanadad dal Grischun realisescha l’atun 2024 ils dis d’acziun per la sanadad psichica. Sensibilisar, infurmar e rinforzar las resursas, quai stat en il center. Ils dis d’acziun involveschan acturs chantunals e partenaris regiunals/locals cun la finamira da porscher occurrenzas per ina gruppa en mira elegida.
Messadis
Ils suandants messadis da la campagna naziunala “Co vai cun tai?” pon gidar tar l’elecziun dals temas:
• Discurrer è impurtant: savair exprimer ils agens sentiments, savair co ch’i va cun mai.
• Sa confruntar cun sfidas cun forza psichica: enconuscher strategias per tgirar l’atgna psica.
• Cun sustegn vai meglier: savair nua che jau survegn sustegn e co che jau sai sustegnair.
Exempels da situaziuns psichicamain pretensiusas
Mintga uman vegn confruntà en il decurs da sia vita adina puspè cun situaziuns pretensiusas. Saja quai tar il passadi en novs secturs da la vita, pervi dad eveniments (da la vita) che succedan da maniera nunspetgada ed immediata u perquai che differents facturs engrevgiants vegnan ensemen.
• Daventar/esser geniturs
• Sperdita/midada/squitsch en scola/lavur
• Separaziun/divorzi/mort d’ina persuna amada u da confidenza
• Pensiun/perdita d’ina occupaziun che fa senn
• Solitariadad/pressiun sociala/mobbing
• Tgira u assistenza d’in confamigliar malsaun
• Malsogna greva u accident
• Experientscha da violenza psichica, corporala u sexuala / experientschas traumaticas
La dumonda “Co vai cun tai” / “Co vai cun mai?” stat en il center
La campagna “Co vai cun tai?” vegn messa en il center da maniera activa e la dumonda “Co vai cun tai?”/”Co vai cun mai?” vegn duvrada per avrir las postas.
• Co vai cun tai/mai cun questa diagnosa?
• Co vai cun tai/mai tar la perdita d’ina persuna amada?
• Co vai cun tai/mai tar il patratg da la pensiun?
• Co vai cun tai/mai cun daventar geniturs?
• Co vai cun tai/mai cun situaziuns da squitsch en scola u en la professiun?
• Co vai cun tai/mai tar separaziun/divorzi/solitariadad?
• Co vai cun tai/mai sco parent che tgira?
Factsheet per organisatur(a)s
Quest Factsheet (tudestg) cuntegna tut las infurmaziuns impurtantas per la realisaziun dad occurrenzas.