La fin d'october èn tut las appartegnentas ed ils appartegnents da la polizia regiunala Rain-Moesa vegnids clamads ad in curs da repetiziun da 5 dis a Roveredo. La finamira è stada quella da promover en moda pratica la prontezza da basa operativa. 

Da la violenza a chasa fin la criminalitad economica
Il spectrum dal curs è stà correspundentamain vast. En furma da lecziuns praticas ha el cumpiglià la signalisaziun sin l'autovia en cas d'in eveniment, l'elavuraziun d'in cas da charrar sut l'influenza d'alcohol u da drogas sco er il test da tir. Plinavant han persunas da cader instruì l'emprima intervenziun en cas da violenza a chasa ed en cas d'in delict sexual sco er l'interacziun dal Servetsch spezial per delicts economics e da la polizia regiunala en cas da scussiun e da concurs. La finala han las polizistas ed ils polizists pratitgà la controlla da vehichels agriculs. 

Suenter avair evaluà quest project da pilot survegn il curs novs temas e vegn extendì – resguardond las particularitads regiunalas – sin l'entir chantun.

Contribuziun per Il Grigione Italiano dals 14 da november 2024