Per garantir la quietezza e l'urden public è la polizia da segirezza responsabla per il provediment spezial en il sectur da la defensiun cunter privels. Unitads spezialas sco la polizia alpina, guids da chauns, l'intervenziun, il servetsch d'urden, il servetsch aviatic da la polizia (a quel fan part maina-acziun sgulants ed ina gruppa da dronas) sco er ina gruppa da tractativa vegnan sistematicamain e preparadas per l'acziun.

Tar nossas ulteriuras incumbensas principalas tutgan la preparaziun, la planisaziun e la realisaziun d'acziuns grondas, spontanas u spezialas en collavuraziun cun il provediment da basa da la polizia criminala e da la polizia regiunala

In grond ed impurtant champ d'incumbensas cumpiglia la scolaziun e la furmaziun supplementara da la polizia da segirezza da tut las commembras e da tut ils commembers dal corp. Il servetsch d'instrucziun da la polizia da segirezza coordinescha la scolaziun e la furmaziun supplementara da la polizia chantunala dal Grischun. Latiers tutga er la scolaziun da basa da la polizia da segirezza da las policistas futuras e dals policists futurs, che vegnan scolads a la Scola da polizia da la Svizra orientala u dal Tessin e preparads per la professiun da polizia.

Markus Eggenberger, schef da la polizia da segirezza

Segns d'identificaziun: mintga unitad speziala ha ses agen badge