Utilisar il terren en moda spargnusa ed orientar ils abitadis al svilup dal pajais sco giavischà, quai èn las finamiras centralas da la planisaziun dal territori. Per quest intent la stattan a disposiziun differents instruments: concepts e plans sectorials, plans directivs chantunals e regiunals, plans d'utilisaziun communals e.u.v. Tut quests instruments e tut questas planisaziuns sa fundan sin datas da basa. Quai èn: studis, inventaris, models directivs, statisticas, analisas, calculaziuns da la capacitad e.a. En quest connex ha l'observaziun dal territori ina rolla impurtanta. Ella cumpiglia l'analisa sistematica da svilups territorials areguard problems specifics dal svilup dal territori e da la politica da l'organisaziun dal territori. Ulteriurs documents da basa – sco agids da lavur, mussavias e manuals – servan en spezial a realisar ils instruments da la planisaziun dal territori.

Mussavias specifics per la planisaziun d'utilisaziun chattais Vus qua e per la construcziun ordaifer las zonas da construcziun qua.