En il rom da la Strategia Administraziun digitala Grischun 2024–2028 ha la Regenza ed il Cussegl grond stgaffì – cun la Lescha davart l'Administraziun digitala Grischun (LAD; DG 177.100) – la basa legala per introducir open government data (OGD) en l'administraziun chantunala. Per realisar questa finamira strategica è vegnida concludida la mesira S11a, che prevesa da stabilir e silsuenter cumplettar ina plattafurma OGD per publitgar datas administrativas avertas. La finamira da la plattafurma è quella da metter a disposiziun ina purschida da basa da datas administrativas avertas che po vegnir utilisada libramain da gruppas d'utilisaders interns sco er externs. La responsabladad per installar, manar e sviluppar vinavant la plattafurma OGD ha dapi il 1. da schaner 2024 la partiziun Datas e statistica da l'Uffizi per economia e turissem.

L'onn 2024 è vegnì terminà il process d'acquisiziun per la plattafurma da datas, ed il cumenzament da l'onn 2025 han ins mess en funcziun tecnicamain la plattafurma. Uschia ha la plattafurma da datas pudì vegnir rendida accessibla a la publicitad gia il zercladur 2025.

En l'ulteriur decurs dal project vegnan ussa ils process per publitgar las datas examinads ed optimads sco er documentads en prescripziuns da guvernanza interdisciplinaras ensemen cun ils uffizis da pilot. Suenter avair testà cun success ils process da publicaziun vegnan quels ussa extendids pass per pass sin ulteriurs posts da servetsch.

La plattafurma OGD po vegnir consultada sut il suandant link: data.gr.ch

Link a la communicaziun a las medias: Culp da partenza per il nov portal da datas dal chantun Grischun

Dumondas e respostas davart OGD