Inspecturat dal register funsil

Sco post spezialisà en ils fatgs dal register funsil inspecziunescha ed instruescha l'inspecturat dal register funsil ils uffizis dal register funsil, relascha disposiziuns pertutgant la gestiun dal register funsil e dat infurmaziuns giuridicas sin il champ specific. Ultra da quai vegnan ils circuls da register funsil sustegnids, cur ch'i vegn introducì il register funsil federal, ed indrizs dal register funsil terminads vegnan controllads.

Circuls da register funsil

En il chantun è delegada l'incumbensa da manar il register funsil a las vischnancas, e quai uschia che pliras vischnancas pon – cun il consentiment da la regenza – s'unir ad in circul da register funsil. Il mument existan 17 circuls da register funsil. Quels èn responsabels – ultra da manar il register funsil – d'introducir il register funsil federal, da rediger e da documentar fatschentas giuridicas davart dretgs envers bains immobigliars sco er da far legalisaziuns.

Posts da surveglianza

Il post da surveglianza chantunal davart ils fatgs dal register funsil è il departament d'economia publica e fatgs socials. La surveglianza suprema dal register funsil ha la confederaziun. L'activitad da notariat dals uffizis dal register funsil è suttamessa a la surveglianza disciplinara tras la cumissiun da notariat.