| tgi |
tge |
nua |
cura |
|
Toxic-love.ch è ina campagna da cuminanza dals chantuns Basilea-Citad, Glaruna, Grischun, Lucerna, Sursilvania, Schaffusa, Soloturn e Son Gagl.
|
Campagna da sensibilisaziun interchantunala «Toxic Love»
La campagna trilingua ha sco finamira la diagnosa tempriva da violenza a chasa. Cun situaziuns che n'èn sin l'emprima egliada betg privlusas, che pon dentant daventar problematicas, duai vegnir sensibilisà per ils origins da violenza a chasa. En quest connex sa tracti savens da violenza psichica. Persunas pertutgadas e persunas participadas, ma er terzas persunas nunparticipadas duain survegnir sustegn per identifitgar ils signals d'avertiment da violenza a chasa e per tschertgar agid ad uras.
La campagna è vegnida sustegnida finanzialmain tras l' Uffizi federal per l'egualitad tranter dunna ed um usco er realisada tras l'agentura da film «schau.». Il Post da coordinaziun violenza a chasa dal chantun Grischun è responsabel per la direcziun dal project.
|
Visibel sin placats, social media, pagina d'internet:
www.toxic-love.ch
|
25-11-23 – 10-12-23 |
|
Club Soroptimist Cuira
Zonta Club Cuira
Associaziun svizra da las academicras
Club Soroptimist Tavau Partenz
Soroptimist International Club Engiadina
Club Zonta Engiadina
|
Violenza a chasa na vegn betg en noss stgarnuz
Tschertas pasternarias da Cuira, da Tavau e dal Partenz sco er da la Surselva, da l'Engiadin'Ota, da l'Engiadina Bassa e da las vals dal sid vendan lur pauns en stgarnuzs da paun spezials cun l'inscripziun «Violenza a chasa na vegn betg en noss stgarnuz».
|
L'acziun vegn realisada da differentas pasternarias a Cuira e conturn, da Tavau-Partenz, da la Surselva, da l'Engiadin'Ota e da l'Engiadina Bassa sco er da las vals dal sid |
25-11-23 – 10-12-23 |
|
Club Zonta Cuira
|
Installaziun da chalzers – tira en mes chalzers
Mintga chalzer avant la Chasa municipala raquinta l'istorgia d'ina persuna che ha patì da violenza psichica. Uschia vulain nus pussibilitar, ch'ins po sa metter en questa situaziun engrevgianta ed uschia impedir, che persunas pertutgadas vegnan mo vesidas sco victimas e/u schizunt accusadas per quai.
|
Cuira, Chasa municipala, Masanserstrasse 2 |
25-11-23 – 10-12-23
|
|
Soroptimist International Club Moesano |
Maun en maun cunter violenza
Apotecas, saluns da bellezza e saluns da coiffeur èn involvids activamain en la sensibilisaziun cunter violenza a chasa.
Per las persunas spezialisadas che lavuran en quests secturs è planisada ina saira d'infurmaziun cun documents explicativs e cun la preschientscha da spezialistas: Collavuraturas da l'Associazione Armonia, la psicologa Linda Giudicetti e la represchentanta dal Post da coordinaziun cunter violenza a chasa dal Grischun.
Ils 25 da november cumenza la campagna da sensibilisaziun «Orange Days» cun l'acziun «Maun cunter violenza»: in maun enorm vegn tatgà vi da las vitrinas illuminadas en oransch da las apotecas e dals saluns che participeschan a la campagna en la regiun. La finamira da questa acziun èsi d'activar ils posts da consultaziun en la regiun e d'etablir ina rait da sustegn per tut las persunas che basegnan agid.
|
Apotecas, saluns da bellezza e saluns da coiffeur da la regiun Moesa |
25-11-23 – 10-12-23
|
|
Club Soroptimist Cuira
Club Zonta Cuira
Associaziun svizra da las academicras
|
Cuira traglischa en oransch
Cunter la violenza envers dunnas e cunter la violenza a chasa traglischan en oransch: staziun AutoDaPosta, Biblioteca da la citad, Biblioteca chantunala, curtin da la Villa Planta, Teater Cuira, Banca Chantunala Grischuna, Museum retic, Chasa grischa, center administrativ sinergia, l'edifizi da l'administraziun da la VR, chasa da scola Quader, Scola auta da pedagogia dal Grischun, libraria Schuler, pasternaria Merz (Bahnhofstrasse 22)
|
Cuira, differents lieus |
25-11-23 – 10-12-23
a partir da las 17.00
|
|
Soroptimist International Club Engiadina
|
Illuminaziun da bajetgs en oransch
|
Celerina, baselgia San Gian
Samedan, baselgia San Peter
|
25-11-23 – 10-12-23
|
|
Soroptimist International Club Engiadina
|
Stan d'infurmaziun Samedan
Preschentaziun publica en oransch cun nossa sautunza Riikka Läser
|
Samedan, Porta Samedan (center da cumpras cun Migros)
|
Sonda, ils 25-11-23
9.00 – 10.30
|
|
Soroptimist International Club Engiadina
|
Stan d'infurmaziun St. Moritz
Preschentaziun publica en oransch cun nossa sautunza Riikka Läser
|
St. Moritz, Coop
|
Sonda, ils 25-11-23
11.00 – 12.30
|
|
Coordinatura instituziunala en il sectur violenza a chasa dal chantun Tessin e clubs Soroptimist e Zonta da la Svizra taliana. |
Stan d'infurmaziun Bellinzona
Ils set clubs da servetsch feminil da la Svizra taliana (Soroptimist e Zonta) èn represchentads al martgà da Bellinzona cun in stan, nua che las passantas ed ils passants vegnan infurmads davart violenza psichica e davart violenza a chasa en general sco er davart purschidas d'agid e da sustegn per persunas pertutgadas da violenza e per persunas violentas en ils chantuns Tessin e Grischun.
|
Bellinzona, martgà da sonda en la citad |
Sonda, ils 25-11-23
09.00 – 13.00
|
|
Club Soroptimist Cuira
Club Zonta Cuira
Associaziun svizra da las academicras
|
Stan d'infurmaziun Cuira
Amez la citad da Cuira infurmescha in stan las passantas ed ils passants davart violenza psichica e violenza a chasa. Plinavant vegnan distribuids flyers cun purschidas d'agid e da sustegn per persunas pertutgadas da violenza e per persunas violentas en il chantun. A restaurants locals ed a bars localas vegnan ultra da quai repartids suttapes particulars per bavrondas. Quests suttapes rendan attent a la tematica.
|
Cuira, Bahnhofplatz 1 |
Sonda, ils 25-11-23
11.00 – 19.00 Uhr
|
Buachlada Kunfermann
|
Bücher-Rat | Glisch(s) en il stgir
November – per bleras persunas in mais pretensius. Ils dis vegnan pli curts, las notgs pli fraidas ed ils bostgs perdan la feglia. La chalur dal sulegl manca, la fradaglia sentan ins en tut la membra, la tschajera cuvra pesantamain l'olma. E sco sche quai na fiss anc betg avunda, ston bleras persunas er dumagnar gia l'entir onn situaziuns fitg pretensiusas:
Persunas appreziadas van per adina, il dachasa charezzà daventa in nausch siemi, sche violenza fisica e psichica dominescha empè da confidenza e respect, confamigliaras e confamigliars sfunsan anc pli profund en la dependenza da substanzas psicoactivas.
E per tals temps stgirs metta il Bücher-Rat a disposiziun cudeschs da glina plaina che traglischan cler, per persunas pertutgadas e per confamigliars. Igl ans stat fitg a cor da procurar cuminaivlamain per glisch(s) en il stgir cun cussegliadras e cussegliaders da cudeschs selecziunads e cun ils cudeschs adattads, perquai che ensemen èn ins pli pauc sulet.
|
Tusaun, Buachlada Kunfermann, Neudorfstrasse 31 |
Glindesdi, ils 27-11-23
18.30 – ca. 20.00
|
Post da cussegliaziun per l'agid a victimas dal Grischun
|
Poetry slam en la Werkstatt «16 dis cunter violenza envers dunnas»
Quatter poetessas e poets da l'entira Svizra legian texts davart il tema violenza psichica ed animeschan il public cun lur preschentaziun artistica da s'occupar dal tema. L'idea per questa occurrenza deriva da l'Agid a victimas dal Grischun, organisà vegn il poetry slam en collavuraziun cun l'uniun Solarplexus e cun la Werkstatt Cuira. Tras la saira maina la moderatura grischuna Piera Cadruvi.
L'occurrenza n'è betg gratuita. Bigliets pon vegnir retratgs a la cassa da saira u en la prevendita:
www.poetryslam.ch
www.werkstattchur.ch
|
Cuira, Werkstatt, Untere Gasse 9
|
Mardi, ils 28-11-23
avertura da las portas: 19.00
occurrenza: 20.00 – 22.00
|
Biblioteca chantunala Cuira
|
Prelecziun cun Louise Hill da ses cudesch «Teufelskreis – Mein bitteres Leben mit dem Zuckerbäcker»
Louise Hill prelegia da ses cudesch, en il qual ella descriva sia vita anteriura cun il conjugal violent. Cun la prelecziun vul ella sensibilisar per il tema e far curaschi ad autras dunnas pertutgadas da tschertgar agid. La prelecziun vegn cumplettada tras in input da persunas spezialisadas che respundan er dumondas dal public.
|
Cuira, Biblioteca chantunala, Karlihofplatz
|
Mesemna, ils 29-11-23
15.00 – 17.00
|
Lavur cun giuvenils Cuira
|
Herzsprung – co ch'ina relaziun da partenadi giuvenila
po funcziunar bain per tut las persunas participadas
In lavuratori cun persunas che han blera savida e blera idea. Il team da moderaziun da HERZSPRUNG, che sa cumpona da persunas da tuttas duas schlattainas, elavura e respunda cun participantas e participants dumondas e temas davart la tematica da relaziuns d'amur e relaziuns da partenadi en la giuventetgna.
Ti n'es anc betg dal tuttafatg segira u segir, cun tge che ti e tia partenaria u tes partenari As sentis bain, tge ch'è en urden e tge che n'è betg en urden? Qua has ti la chaschun da survegnir dapli clerezza.
Per giuvenils a partir da 12 onns. Dumber da participantas e participants limità, annunzia via telefon 081 254 56 01, WhatsApp a 079 106 05 46, e-mail a jugendarbeit@chur.ch u formular da contact sin www.jugendarbeitchur.ch
|
Cuira, chasa da giuvenils, Gäuggelistrasse 10
|
Gievgia, ils 30-11-23
18.00 – ca. 22.00
|
Club Soroptimist Tavau Partenz
|
Musica pussanta
Ina sairada da chant musicala che metta il focus sin la sensibilisaziun per la violenza envers dunnas ed envers mattas. Collavuraturas da la Chasa da dunnas dal Grischun dattan ina significaziun als texts e partan las experientschas ch'ellas han fatg en la lavur quotidiana cun dunnas e mattas pertutgadas.
Nus As envidain cordialmain da betg mo viver l'art, mabain er da ponderar criticamain davart ses cuntegn. Suenter il concert As spetga in apero, tar il qual Vus pudais As barattar. Cun Vossa participaziun sustegnais Vus la Chasa da dunnas dal Grischun.
|
Tavau Plaz, baselgia refurmada Son Gion, Berglistutz 3
|
Gievgia, ils 30-11-23
19.00 – 21.00
|
|
Malwege Cuira
Terapia da cheramica e d'art Cuira
|
Metter signals
Nus vulain envidar persunas da metter en maletgs in u plirs signals cunter la violenza envers dunnas. Cuminaivlamain laschain nus nascher duas ovras collectivas spontanas che vegnan exponidas pli tard. Nus As spetgain tar la Chasa municipala cun colurs e cun dus chavalluts. Lain metter signals curaschus!
|
Cuira, Chasa municipala, Masanserstrasse 2
|
Mardi, ils 05-12-23
12.30 – 14.30
Venderdi, ils 08-12-23
17.00 – 19.00
|
Giuventetgna Cadi
|
I po era tutgar tia famiglia
In film curt sclerescha il tema violenza a chasa. Persunas spezialisadas partan lur experientschas, porschan infurmaziuns e stattan a disposiziun per dumondas en la gestiun da violenza a chasa. Suenter èn tut las visitadras e tut ils visitaders envidads cordialmain ad in apero.
|
Mustér, Center AUA VIVA, Via Raveras 25
|
Mesemna, ils 06-12-23
19.00
|
Chasa da dunnas dal Grischun
|
Far visibel l'invisibel – Consequenzas per persunas pertutgadas da violenza psichica en ina (anteriura) relaziun da partenadi
Igl As spetga ina saira cun referats e cun films curts davart la tematica, suandada d'in barat e d'in apero.
Victimas da violenza psichica pateschan savens ditg en il zuppà. D'ina vart dovri temp per percorscher sez che manipulaziun, controlla ed abus da pussanza han lieu en relaziuns. Da l'autra vart dentant er, perquai che la societad bagatellisescha e revochescha anc adina la violenza psichica, cuntrari a la violenza fisica.
Ils referats ed ils films curts duain precisar, tge mecanissems che pon sa mussar tar violenza psichica, tge consequenzas ch'il passentà ha per las persunas pertutgadas ed en tge secturs sociopolitics ch'i dat anc in basegn d'optimaziun ed in basegn d'agir.
|
Cuira, clinica Waldhaus, Loëstrasse 220 (sala polivalenta)
|
Gievgia, ils 07-12-23
18.00 – ca. 20.30
|