Navigation

Inhaltsbereich

Scolaras e scolars

La purschida sa drizza a scolaras e scolars dal stgalim superiur, a scolaras e scolars da las soluziuns transitoricas e a tut ils giuvenils che

  • stattan avant la tscherna d'ina professiun e vulain savair, co ch'els pon proceder;
  • vulan emprender ad enconuscher lur interess e lur abilitads e vulessan savair per tge professiuns che quels èn buns.

Nossas cussegliadras e noss cussegliaders da professiun

  • dattan sustegn tar la planisaziun e tar la realisaziun da la tscherna da la professiun;
  • gidan ad eruir las fermezzas ed ils interess;
  • fan sche necessari tests da qualificaziun, dals interess u da la persunalitad;
  • gidan a tschertgar ina plazza d'emprendissadi ed a far l'annunzia;
  • infurmeschan davart professiuns e davart vias da scolaziun.

Dumondas en connex cun l'elecziun da clamada? Nus As cussegliain en nossas localitads en Vossa regiun, respundain Vossas dumondas per mail e purschain cussegliaziuns curtas al telefon.

 Documentaziun

Infurmaziuns per persunas d'instrucziun

La cussegliaziun professiunala metta a disposiziun a las scolas las suandantas purschidas:
purschida cussegliaziun professiunala per classas

Access direct a berufsberatung.ch per persunas d'instrucziun
Materialias per l'instrucziun da la tscherna da professiun
BIZ-News: newsletter per persunas d'instrucziun

profilo – l'ordinatur da tscherna da professiun

La cussegliaziun da professiun, da studi e da carriera ha sviluppà in ordinatur da tscherna da professiun triling per l'instrucziun da la tscherna da professiun en scolas grischunas ch'è accordà cun il Plan d'instrucziun 21.

L'ordinatur accumpogna las scolaras ed ils scolars tar la tscherna da professiun e sustegna ellas ed els a rimnar ed a structurar ils documents sco er a planisar ils singuls pass da la tscherna da professiun.

En il decurs dal process da tscherna da professiun s'accumuleschan differents documents, sco per exempel infurmaziuns davart occurrenzas d'infurmaziun areguard las professiuns, fufragnadis, material da manaschis d'emprendissadi, documents d'annunzia e bler auter. Quests documents pon vegnir mess bain en urden sut ils 10 fegls da register.

L'ordinatur po vegnir retratgs tar la chasa editura per meds d'instrucziun dal chantun Grischun per 10 francs.

Sin la pagina «profilo» pon vegnir chargiads giu fegls da lavur e d'infurmaziun, ch'èn separads tenor ils fegls da register respectivs.

En la newsletter per persunas d'instrucziun «BIZ-News»  infurmain nus uschespert ch'in document è vegnì actualisà. L'avais Vus gia abunada? Sche na, pudais Vus abunar la newsletter qua u As annunziar per e-mail biz@afb.gr.ch.

 

 

-

 

Vulais Vus duvrar noss icons en l'instrucziun? Lura pudais Vus empustar quels per e-mail: biz@afb.gr.ch.