Has ti veglia da ta sfunsar en il mund dals cudeschs, dals mediums audiovisuals e da las publicaziuns en l'internet sco er d'acquistar e da cataloghisar questas medias ubain da las intermediar a las utilisadras ed als utilisaders da la biblioteca? Sche ti ta sentas appellada u appellà ed has ultra da quai in bun attestat da la scola secundara, chattas ti ulteriuras infurmaziuns davart questa professiun interessanta sin la pagina d'internet sut Ausbildungsdelegation I+D.

Actualmain na stat betg a disposiziun ina plazza d'emprendissadi sco spezialista u spezialist d'infurmaziun e da documentaziun en la biblioteca chantunala dal Grischun.

Dapli infurmaziuns dat dunna Ulrica Fontana (ulrica.fontana@kbg.gr.ch, Tel. 081 257 28 32).

Praticum a la biblioteca chantunala dal Grischun

Per regla datti annualmain ina plazza da praticum. Il praticum è ina preparaziun per il studi da bachelor en scienza d'infurmaziun. Las candidatas ed ils candidats vegnan ad avair la pussaivladad d'emprender ad enconuscher tut ils secturs dal manaschi. La premissa per survegnir la plazza da praticum è in bun attestat da maturitad.

Las interessentas ed ils interessents tramettan lur annunzia cun in curs da la vita a: ann-kathrin.venzin@kbg.gr.ch.

Ulteriuras infurmaziuns davart la scolaziun da la scienza d'infurmaziun chattais Vus sut il suandant link: Ausbildung Informationswissenschaft an der HTW Chur