Bibliotecas GR

Il Grischun posseda bleras bibliotecas grondas e pitschnas. Per ellas datti be paucas basas legalas. La responsabladad per las bibliotecas da scola e communalas è per gronda part tar las vischnancas. Dapi il schaner 2000 descriva il model da las bibliotecas en il chantun Grischun, ch’è vegnì publitgà da la cumissiun chantunala da biblioteca, las finamiras che las bibliotecas duain avair en mira ensemen cun l’agid da las autoritads cumpetentas.

Tenor sia incumbensa cusseglia la biblioteca chantunala sin dumonda las bibliotecas da scola, communalas e regiunalas en il chantun Grischun. L’incumbensada da biblioteca, Olivia Fehlmann, porscha sustegn tar dumondas davart la planisaziun, il drizzar en e la finanziaziun da bibliotecas e d’effectivs da bibliotecas. Ella lavura latiers intensivamain ensemen cun l’uniun leger.GR – giuventetgna e medias Grischun e cun la Biblioteca da la citad da Cuira. Grazia a questa collavuraziun resultan divers meds d’agid e basas sco la statistica da las bibliotecas en il Grischun u il register da las bibliotecas grischunas.