Publicaziun speziala per agids finanzials dal UFC per la protecziun dal patrimoni cultural periclità da l'Ucraina

Pervia da l'offensiva militara da la Russia è il patrimoni cultural da l'Ucraina periclità fermamain da vegnir destruì, sblundregià e transferì illegalmain. L'Uffizi federal da cultura (UFC) s'engascha activamain per la protecziun dals bains culturals mobils periclitads da l'Ucraina e metta a disposiziun agids finanzials per quest intent.

Il UFC po sustegnair particularmain projects che han la finamira da mantegnair il patrimoni cultural mobil da l'Ucraina (p.ex. projects per far inventaris e glistas dals bains culturals periclitads, transport da material da protecziun per museums). Ils agids finanzials vegnan pajads sin basa da la Lescha federala davart il transferiment da bains culturals (art. 14 LTBC; CS 441.1).

En cas d'interess pudais Vus inoltrar dumondas al Post spezialisà Transferiment internaziunal dals bains culturals tar il UFC. Ulteriuras infurmaziuns chattais Vus giuntà sco er sin la pagina d'internet. www.bak.admin.ch.

Avust 2022