Navigation

Inhaltsbereich

La pandemia dal coronavirus influenzescha anc adina massivamain la vita culturala. Mesiras da protecziun sco er il spustament e l'annullaziun d'occurrenzas e da projects culturals han consequenzas per numerusas instituziuns culturalas e per bleras artistas ed artists.


Per mitigiar las consequenzas dal coronavirus ch'èn anc adina massivas en il sectur da la cultura e per mantegnair la diversitad culturala han la Confederaziun ed ils chantuns definì las cundiziuns generalas per pudair cuntinuar cun las mesiras da sustegn en il sectur da la cultura. Quai sin basa da l'art. 8 da la Lescha COVID-19 e sin basa da l'Ordinaziun COVID-19 cultura da la Confederaziun.

Sustegn per il sectur da la cultura

Infurmaziun davart la cuntinuaziun da las mesiras da sustegn da COVID en il sectur da la cultura
Pervia da la limitaziun da la valaivladad da l'art. 11 da la Lescha COVID-19 fissan las mesiras da sustegn per il sectur da la cultura scadidas la fin da l'onn 2021. Perquai che las acturas ed ils acturs culturals vegnan ad esser confruntads er l'onn 2022 cun ina situaziun economica difficila, ha il Parlament federal concludì – durant l'ultima emna da la sessiun d'enviern 2021 – da prolungar las mesiras fin ils 31 da december 2022. Sin basa da quai ha il Cussegl federal prolungà ils 17 da december 2021 l'Ordinaziun COVID-19 cultura. Questa ordinaziun regla las mesiras da sustegn per il sectur da la cultura. Actualmain prepara il chantun Grischun ils conclus necessaris per pudair cuntinuar cun la participaziun a quellas mesiras da sustegn, nua ch'il chantun è responsabel per l'execuziun (indemnisaziuns da las perditas per interpresas culturalas e per persunas che lavuran sin il champ cultural).

Suenter l'aboliziun da tut las mesiras sanitaras la fin da mars 2022, fissan las indemnisaziuns da las perditas ad interpresas culturalas ed ad artistas ed artists sco er ils agids finanzials ad uniuns culturalas da laics scadids la fin d'avrigl 2022. Perquai che las sfidas en il sectur cultural n'èn betg terminadas immediatamain, ha il Cussegl federal concludì ils 13 d'avrigl 2022 da prolungar omaduas mesiras da sustegn per 2 mais fin la fin da zercladur 2022. Dumondas per contribuziuns a projects da transfurmaziun pon vinavant vegnir inoltradas fin ils 30 da november 2022.

_________________________________________________________________________________________________________________________


Uniuns culturalas da laics che han in budget d'occurrenzas da main che 50 000 francs, inoltreschan lur dumonda per ina indemnisaziun da la perdita a las federaziuns da tetg svizras.

Link Gesuchseinreichung

Novs formulars da dumonda per indemnisaziuns da la perdita e per contribuziuns a projects da transfurmaziun d'interpresas culturalas chattais Vus sut "Dumondas".

En cas da dumondas As drizzai per plaschair a corona@afk.gr.ch.

 

_________________________________________________________________________________________________________________________

Basas giuridicas

_________________________________________________________________________________________________________________________

Realisaziun

Indemnisaziun da la perdita per interpresas culturalas

 

Indemnisaziun da las perditas per persunas che lavuran sin il champ cultural

 

Projects da transfurmaziun

_________________________________________________________________________________________________________________________

Termins

>> Termins per dumandar ina indemnisaziun da la perdita

Las dumondas ston da princip vegnir inoltradas retroactivamain, q.v.d. il donn sto gia esser capità, cura che la dumonda vegn inoltrada. Il donn vala sco capità quel di, durant il qual l'occurrenza ha lieu u avess stuì avair lieu. 

Valair valan las suandantas periodas da donn e da dumonda ed ils suandants termins respectivs:

  • Dumondas per donns finanzials da la perioda dal 1. da schaner 2022 fin ils 30 d'avrigl 2022 ston vegnir inoltradas retroactivamain uschè svelt sco pussaivel, dentant il pli tard fin ils 31 da matg 2022.
  • Dumondas per donns finanzials da la perioda dal 1. da matg 2022 fin ils 30 da zercladur 2022 ston vegnir inoltradas retroactivamain uschè svelt sco pussaivel, dentant il pli tard fin ils 31 da fanadur 2022.

Ils termins èn liants. Donns annunziads memia tard u memia baud na vegnan betg resguardads.

Per occurrenzas u per projects sa refereschan ils termins inditgads a quella perioda da donn, en la quala l'occurrenza u il project correspundent era planisà. Sch'i èn resultads gia avant custs che stattan en in connex direct cun l'occurrenza u cun il project (p.ex. tschains da locaziun d'in local u custs da persunal), pon quests custs vegnir fatgs valair tar l'indemnisaziun da la perdita (cf. dumondas frequentas [FAQ] davart l'indemnisaziun da la perdita).

 

_________________________________________________________________________________________________________________________

>> Termins per dumandar ina indemnisaziun da las perditas per persunas che lavuran sin il champ cultural

Las dumondas ston da princip vegnir inoltradas retroactivamain, q.v.d. il donn sto gia esser capità, cura che la dumonda vegn inoltrada. Il donn vala sco capità quel di, durant il qual l'occurrenza ha lieu u avess stuì avair lieu. 


Valair valan las suandantas periodas da donn e da dumonda ed ils suandants termins respectivs:

  • Dumondas per donns finanzials da la perioda dal 1. da schaner 2022 fin ils 30 d'avrigl 2022 ston vegnir inoltradas retroactivamain uschè svelt sco pussaivel, dentant il pli tard fin ils 31 da matg 2022.
  • Dumondas per donns finanzials da la perioda dal 1. da matg 2022 fin ils 30 da zercladur 2022 ston vegnir inoltradas retroactivamain uschè svelt sco pussaivel, dentant il pli tard fin ils 31 da fanadur 2022.

Ils termins èn liants. Donns annunziads memia tard u memia baud na vegnan betg resguardads.

Per occurrenzas u per projects sa refereschan ils termins inditgads a quella perioda da donn, en la quala l'occurrenza u il project correspundent era planisà. Sch'i èn resultads gia avant custs che stattan en in connex direct cun l'occurrenza u cun il project (p.ex. tschains da locaziun d'in local u custs da persunal), pon quests custs vegnir fatgs valair tar l'indemnisaziun da la perdita (cf. dumondas frequentas [FAQ] davart l'indemnisaziun da la perdita).

 

_________________________________________________________________________________________________________________________

>> Termins per dumandar contribuziuns a projects da transfurmaziun

Dumondas per contribuziuns a projects da transfurmaziun pon vegnir inoltradas cuntinuadamain. I vegn recumandà d'inoltrar las dumondas baud avunda ed avant il cumenzament dal project. L'ultim termin è dentant ils 30 da november 2022.

 

 

Perquai che las cundiziuns generalas sa midan d'in cuntin, vegn la pagina d'internet actualisada regularmain (stadi: ils 31 da matg 2022).