La cultura reflecta il mund, la vita, la societad. En il chantun Grischun porschan numerusas persunas che lavuran sin il champ cultural ed instituziuns culturalas occurrenzas multifaras ed interessantas en las differentas spartas durant l'entir onn.

"Scola e cultura" sa numna il nov instrument da promoziun da la promoziun da la cultura dal Grischun che duai pussibilitar cun in sustegn finanzial dal chantun als uffants e giuvenils en las scolas grischunas in access anc pli multifar ad ina vasta chapientscha da cultura. La finamira è d'entusiasmar las scolaras ed ils scolars uschè baud e persistentamain sco pussaivel per la cultura.

"Scola e cultura" duai facilitar l'access concret a la cultura e cun quai in'utilisaziun activa da las purschidas culturalas existentas. Plinavant duain vegnir stgaffids impuls cun elavurar agens projects culturals.
Il dretg da far la dumonda han las scolas dal Grischun dals suandants stgalims: scolina, 1. fin 9. classas, gimnasis inferiurs, scolas privatas (per partiziuns dal temp da scola obligatoric).

Link da dumonda