Il chantun Grischun publitgescha annualmain duas concurrenzas per promover intenziunadamain prestaziuns culturalas. Envidadas da s'annunziar èn persunas da tut las spartas da cultura che lavuran en moda professiunala sin il champ cultural. La finamira da la concurrenza è quella da pussibilitar il svilup e la realisaziun dal cuntegn, pia il process da l'elavuraziun da projects culturals.

La concurrenza per promover la lavur culturala professiunala (projects gronds) vegn mintgamai publitgada il schaner. Il termin final d'inoltraziun è mintgamai il cumenzament da mars. En connex cun questa concurrenza vegnan surdads stipendis libers u contribuziuns ad ovras en la summa da maximalmain 20 000 francs.

La concurrenza per promover la lavur culturala professiunala (projects pitschens) vegn mintgamai publitgada il fanadur. Il termin final da spediziun è mintgamai mez avust. En connex cun questa concurrenza vegnan surdads stipendis libers u contribuziuns ad ovras en la summa da maximalmain 10 000 francs.

Las publicaziuns vegnan fatgas en la pressa quotidiana grischuna.

• domicil en il chantun dapi almain dus onns u ch'èn colliads stretgamain cun il chantun Grischun u cun la cultura grischuna

• lavur professiunala sin il champ cultural en ina da las suandantas spartas:
  -  art applitgà  
  -  art figurativ
  -  film
  -  istorgia e memoria
  -  litteratura
  -  musica
  -  saut
  -  teater

La medema persuna po survegnir tut en tut maximalmain trais giadasin stipendi u ina contribuziun ad in'ovra.  

Scolaziuns èn exclusas da la concurrenza.

Projects sustegnids fin uss (Übersetzung folgt)

il formular èn d'agiunscher:

grond projects

pitschens projects