Retscha da publicaziuns da l'Archiv dal stadi: Quellen und Forschengen zur Bündner Geschichte (QBG)

L'Archiv dal stadi dal Grischun ha in'atgna retscha da publicaziuns: Funtaunas e perscrutaziuns davart l'istorgia dal Grischun (FIG). Dapi l'onn 1986 vegnan publitgadas en questa retscha contribuziuns scientificas davart l'istorgia dal Grischun. La retscha po vegnir consultada online sut www.e-periodica.ch. Ella vegn cuntinuada permanentamain. A partir dal tom 38 cumpara ella en la chasa editura Schwabe.
La glista da las publicaziuns cun indicaziuns per empustar exemplars stampads chattais Vus qua. Medemamain sin la glista èn intginas ulteriuras publicaziuns istoric-scientificas ch'èn vegnidas purtadas finanzialmain en moda decisiva da l'Archiv dal stadi.

Ovras d'ediziun cun participaziun decisiva da l'Archiv dal stadi
Las funtaunas davart l'istorgia dal Grischun vegnan ed èn vegnidas edidas e publitgadas en differents connexs e da differents editurs. Menziunads ston vegnir en spezial ils toms da la Fundaziun svizra per las funtaunas da dretg che pertutgan il Grischun. Qua vegnan enumerads mo ils toms ch'èn vegnids realisads cun participaziun directa da l'Archiv dal stadi.$

Cudesch da documents grischun
En il Cudesch da documents grischun èn vegnids edids tut ils documents che pertutgan il territori dal Grischun da l'onn 390 fin l'onn 1400. Tut ils otg toms stattan a disposiziun en il format da PDF per chargiar giu.

Urbaris, rodels ed obituaris
En questa retscha èn cumparids fin ussa dus toms davart ils circuls da la Cadi e da Rueun sco er da la Foppa, da la Lumnezia e da Trin. Ultra da quai è vegnì publitgà in facsimile cun commentari dals cudeschs da morts e dals obituaris medievals da la catedrala da Cuira.

Brev da federaziun da l'onn 1524
Sco contribuziun al giubileum da 500 onns è vegnida publitgada cun in commentari detaglià la Brev da federaziun dals 23-05-1524. Questa publicaziun n'è anc betg disponibla online, dentant en las librarias.

Publicaziuns davart l'Archiv dal stadi dal Grischun e davart la cuntrada d'archivs grischuna
Davart l'Archiv dal stadi dal Grischun, davart ses effectivs e sias incumbensas sco er davart la cuntrada d'archivs en il chantun existan numerusas publicaziuns. La gronda part da questas publicaziuns po vegnir consultada online.

Repertoris stampads
Ils repertoris stampads da l'Archiv dal stadi dal Grischun reflecteschan la cataloghisaziun e la descriziun da l'archiv ch'èn vegnidas fatgas ils onns 1960 e 1970.

Regestas davart ils effectivs dals archivs communals e regiunals

Ulteriuras publicaziuns