Dapi l'onn 1988 èn resultadas en Svizra 61 scolas medias spezialisadas (avant l'onn 2004 scolas medias da diplom) en 23 chantuns. La SMS vegn purschida en tut ils chantuns danor AI, NW e OW. Per onn cumenzan circa 4500 scolaras e scolars u quasi 3 % d'ina annada il studi en ina SMS – e questa tendenza s'augmenta. La SMS vegn frequentada oz er pli e pli dad umens.

Cunzunt per ils secturs da la sanadad, dals fatgs socials, da l'art, da la pedagogia, da la communicaziun ed infurmaziun sco er da la psicologia applitgada na datti en bleras professiuns nagin emprendissadi u cumenza la furmaziun professiunala sco tala pir sin il stgalim terziar e premetta in diplom dal stgalim secundar II. Las SMS porschan per quests cas scolaziuns preparatoricas correspundentas sin il stgalim secundar II. A partir da l'onn 2017 pon titularas e titulars d'ina maturitad spezialisada far in studi ad ina scola auta universitara, sch'ellas ed els han fatg cun success in examen cumplementar ("passarella"). In studi da passarella vegn per exempel purschì a la Interstaatlichen Maturitätsschule für Erwachsene ISME. La suandanta survista As dat ina vista globala dals singuls secturs da la scola media spezialisada che vegnan purschids en il chantun Grischun:

Survista dal certificat da scola media propedeutica e da la maturitad spezialisada
(nur deutsch)