Scola media commerziala cun Commerzianta / Commerziant AFQ e cun maturitad professiunala Economia e servetschs, tip Economia
La scola media commerziala cun maturitad professiunala sa drizza a giuvenils che s'interessan per temas economics centrals.
La scola media commerziala è ina scola pretensiusa a temp cumplain dal stgalim secundar II. Ella vegn terminada cun l'attestat federal da qualificaziun (AFQ) Commerzianta / Commerziant, ch'è renconuschì dal Secretariat da stadi per furmaziun, retschertga ed innovaziun (SEFRI), e per regla cun la maturitad professiunala (MP) Economia e servetschs, tip Economia. D'ina vart permetta quai d'entrar directamain en la vita professiunala. E cun la maturitad professiunala èsi da l'autra vart pussaivel d'entrar senza examen en ina scola auta spezialisada federala. L'admissiun ad ina scola media commerziala ha per regla lieu sur l'examen d'admissiun chantunal.
Models da scolaziun
En il chantun Grischun mainan las suandantas scolas medias ina scola media commerziala tenor il model 3+1 (3 onns scolaziun a temp cumplain, cumplettà cun in praticum lung dad 1 onn):
La Fundaziun gimnasi da sport Tavau maina ina scola media commerziala tenor il model 4i. Quella vegn terminada suenter 4 onns cun il AFQ Commerzianta / Commerziant senza MP. Quest model da scolaziun na prevesa nagin praticum lung.
Refurma «Commerziantas/commerziants 2023»
En il rom da la refurma «Commerziantas/commerziants 2023» è la scolaziun commerziala da basa per l'attestat federal da qualificaziun (AFQ) Commerzianta / Commerziant vegnida reelavurada ed adattada essenzialmain. En il sectur da las enconuschientschas da la professiun s'orientescha la furmaziun en scola pli fitg a las pretensiuns realas dal martgà da lavur e metta il focus sin las cumpetenzas d'agir da las scolaras e dals scolars. En il rom da la procedura da qualificaziun (PQ) vegnan questas cumpetenzas d'agir examinadas cumplettamain vers la fin dal praticum lung.
La refurma n'ha betg mo in effect sin la furmaziun en scola, mabain er sin la furmaziun en il manaschi a la scola media commerziala. Pertutgads da la refurma èn scolaras e scolars che han cumenzà la scolaziun a partir da l'onn da scola 2023/24. Ellas ed els cumenzan l'avust 2026 per l'emprima giada cun il praticum lung.
Las pli impurtantas midadas per ils praticums lungs a partir da l'avust 2026 èn resumadas qua sutvart:
| |
Praticum fin 2025/26 |
Praticum a partir da 2026/27 |
| La furmaziun en il manaschi sa basa sin: |
finamiras da prestaziun |
cumpetenzas d'agir cun incumbensas praticas predefinidas |
| Dumber da dis da curs intermanaschials: |
6 dis |
8-16 dis (different tut tenor la branscha da scolaziun e d'examen; Servetschs ed administraziun 10 dis) |
| Valitar manaschis da praticum: |
2 situaziuns da lavurar e d'emprender (SLE) |
2 cumprovas da cumpetenzas manaschialas |
| Valitar manadras e manaders da curs intermanaschials: |
different tut tenor branscha |
2 cumprovas da cumpetenzas intermanaschialas |
| Scolaras e scolaras da la SMC documenteschan: |
finamiras da prestaziun |
incumbensas praticas, autoreflexiun |
Nota empirica manaschiala da l'instrucziun
en scola: |
nota per «Parts praticas integradas» (nota PPI) |
nagina |
| Examens (PQ) han lieu: |
MP: a la fin dal 3. onn da scolaziun SMC
AFQ scola: a la fin dal 3. onn da scolaziun SMC
AFQ manaschi: a la fin dal praticum,
a bucca ed en scrit |
MP: a la fin dal 3. onn da scolaziun SMC
AFQ scola: a la fin dal praticum
AFQ manaschi: a la fin dal praticum, mo
a bucca (en scrit scroda) |
Infurmaziuns e documents davart il praticum lung
Las pli impurtantas infurmaziuns e documents davart il praticum lung da la scola media commerziala èn disponibels sut ils suandants links: