Il chantun grischun fa part a la «rait da scolas21 – rait svizra da scolas persistentas che promovan la sanadad». L’Uffizi per la scola populara ed il sport e l’Uffizi da sanadad sviluppan la cussegliaziun per las scolas en il chantun Grischun.

Nossa visiun per il Grischun

A tut las persunas participadas a la scola stattan a disposiziun purschidas e structuras che promovan in stil da viver saun e contribueschan al mantegniment da la sanadad e da la prestaziun.

Scolas grischunas che sa mettan sin via per ina scola che promova la sanadad, vegnan accumpagnadas e sustegnidas da persunas spezialisadas da l’Uffizi da sanadad e da la Scola auta da pedagogia dal Grischun. Nua ch’ina scola entschaiva decida ella sezza. Ils temas èn multifars: clima da scola, sanadad psicosociala da scolaras e scolars, direcziun da scola e/u da persunas d’instrucziun, nutriment saun e promoziun dal moviment en il mintgadi da la scola, prevenziun da dependenza, participaziun, concepziun dal conturn damanaivel a la natira euv.

Tuttas infurmaziuns èn da chattar sin la pagina principala rait da scolas21 grischun da l’Uffizi da sanadad.