Navigation

Inhaltsbereich

Sin 10 posts regiunals en tut las regiuns linguisticas dal chantun porschan 19 psicologas e psicologs da scola en il champ psicologic ina cussegliaziun da scola e d'educaziun.
Las cussegliaziuns sa drizzan ad uffants e giuvenils da la scola populara sco er a lur persunas da referiment, sch'i sa manifesteschan difficultads en connex cun il emprender en scola, cun il svilup, cun il cumportament u cun il stadi emoziunal e sch'i vegnan tschertgadas novas soluziuns. Quest servetsch vegn purschì en il senn da l'agid per gidar sasez a geniturs, ad uffants ed a giuvenils, a mussadras, a persunas d'instrucziun sco er ad autras persunas spezialisadas en il champ pedagogic.
Plinavant cumpiglia il servetsch la cussegliaziun da persunas d'instructiun e da direcziuns da scola en connex cun il svilup er connex cun dumondas generalas davart temas psicologics e pedagogics.

Avis davart il coronavirus

Tut ils posts regiunals porschan cussegliaziuns da scola e d'educaziun resguardond las mesiras da protecziun e d'igiena da chantun e Confederaziun. Per plaschair far attenziun a las regulaziuns adattadas per l'andament da scleriments e cussegliaziuns.