graubündenSport sustegna l'installaziun d'ina rait locala da moviment e da sport cun ina finanziaziun da partenza durant 4 onns. Quella importa maximalmain 50% dals custs da salari per engaschar ina coordinatura u in coordinatur da sport.

Per che graubündenSport possia examinar la participaziun finanziala a l'installaziun d'ina RMS, sto vegnir inoltrada la dumonda (incl. il sboz da la cunvegna da prestaziun). L'import vegn pajà en quatter ratas annualas. Decisivs per il pajament èn la dumonda sco er ils rapports intermediars.

Dumonda

•  La dumonda vegn inoltrada cumplettamain (incl. agiuntas).

• Dumondas pon adina vegnir inoltradas.
  

Contribuziuns a projects ed ad occurrenzas

Dumondas per sustegnair projects ed occurrenzas ston vegnir inoltradas separadamain. Quellas vegnan elavuradas tenor las directivas da graubündenSport actualmain vertentas e giuditgadas independentamain da la rait locala da moviment e da sport. Er l'Uffizi da sanadad sustegna projects che rinforzan la promoziun da la sanadad e prevenziun en il chantun Grischun cun contribuziuns a projects.