Dapi intgins onns vegnan coordinadas las stentas da Swiss Olympic en il sectur da la promoziun da la generaziun giuvna. Swiss Olympic ha stgaffì per quest intent ina rait che consista d'incumbensadas ed incumbensads chantunals per la promoziun da la generaziun giuvna e da represchentantas e represchentants da las federaziuns naziunalas da sport. Communablamain vegni empruvà da cuntanscher che la promoziun da la generaziun giuvna vegnia realisada en Svizra en moda sistematica e tenor las resursas.

Ensemen cun differentas acturas e differents acturs coordinescha graubündenSport en la rait da la promoziun da la generaziun giuvna ils divers giavischs e basegns e procura per in stadi d'enconuschientscha unitar.

Incumbensà chantunal per la promoziun da la generaziun giuvna:

Beat Tschalèr
graubündenSport
+41 81 257 27 56
beat.tschaler@avs.gr.ch