Il chantun Grischun vuless garantir a lunga vista structuras professiunalas per il sport da prestaziun e sustegnair perquai l'installaziun e la gestiun da centers da prestaziun regiunals e naziunals. Per sustegnair quests centers da prestaziun è perquai vegnì creà in nov instrument da promoziun en il rom da la nova Lescha da promoziun dal sport. A centers da prestaziun en il chantun Grischun ch'èn previs en il concept da juniors da la federaziun naziunala e che vegnan determinads da l'Uffizi federal da sport en ina disposiziun valaivla concernent la «promoziun da juniors da G+S», pon vegnir pajadas contribuziuns. Las directivas correspundentas Vus qua.
Las organisaziuns che han il dretg da survegnir contribuziuns vegnan supplitgadas mintgamai il schaner d'inoltrar ils documents necessaris fin la fin da mars.