Emnas da skis da la scolina
Ils uffants da scola dal Grischun duain avair access al sport da naiv, emprender ad enconuscher el sco bain cultural e far experientschas positivas cun el gia en la vegliadetgna da scolina. Pervia da quai vegni recumandà a las scolas ed a las vischnancas da facilitar la pussaivladad da cumenzar a far sport da naiv cun emnas da skis da la scolina.
Emnas da skis da la scolina èn emnas da sport da naiv che la classa da scolina realisescha communablamain senza pernottar ordaifer, quai cun in transport quotidian en il territori da skis. Mintga di ha lieu ina instrucziun dad ir cun skis, dad ir cun l'aissa u da far passlung.
Las emnas da skis da la scolina vegnan sustegnidas finanzialmain cun contribuziuns chantunalas dal sport da scola voluntar:
- contribuziuns da G+S: 8 francs per uffant e per di
- sport da scola voluntar: 100 francs per di e per classa
Formular d'annunzia per l'emna da skis da la scolina
Formular da rendaquint per l'emna da skis da la scolina
Documents