Einleitungstext
Unitads d'instrucziun 1. – 3. classa
Impurtant èsi da far experientschas multifaras cun moviments. Ma tge scolaziun da basa dovri propi e co po quella vegnir intermediada a las scolaras ed als scolars primars en ina moda che als correspunda?
L'ordinatur «Unitads d'instrucziun» cuntegna lecziuns che sa basan ina sin l'autra e tests respectivs sco meds d'agid per l'instrucziun da sport sin il stgalim primar.
Las lecziuns pon vegnir realisadas 1 sin 1 en la halla da gimnastica. Ma ellas cuntegnan er renviaments per variaziuns individualas. Ils temas currer, rudlar, sa volver, ballantschar, pusar, raiver, gieus da team, emprender ad enconuscher objects da gieu, sa mover e preschentar en moda ritmica servan sco agid d'orientaziun per la multifariadad indispensabla da l'instrucziun da sport sin il stgalim primar.
Las persunas d'instrucziun da sport pon chargiar giu l'ordinatur "Unitads d'instrucziun" asco PDF.
Activdispens.ch – Sa mover malgrà la dispensaziun da l'instrucziun da sport
Suenter ina malsogna èsi savens puspè pussaivel da sa mover senza problems en il rom dal sport da scola. Er cun ina leva blessura pon uffants e giuvenils prender part a l'instrucziun da sport da scola, sche quella vegn adattada per els. Perquai ch'il plaschair da sa mover è savens pli pitschen suenter ina malsogna u suenter ina blessura, dovran ils giuvenils savens quests eveniments sco stgisa per sa laschar dispensar dal tuttafatg dal sport da scola e per restar absent da quel.
Per metter tuttina en moviment las persunas blessadas e levamain malsaunas e pia er per sustegnair il process da regeneraziun è vegnì lantschà l'onn 2012 il project «activdispens.ch» da l'Associaziun svizra per il sport en scola (ASSS) e da la Gruppa da lavur svizra per il trenament da reabilitaziun (GSTR).
In formular da dispensaziun medical differenzià ed in catalog categorisà d'exercizis porschan a las persunas d'instrucziun da sport in instrument per integrar ils uffants e giuvenils dispensads parzialmain correctamain ed activamain en in rom adattà en l'instrucziun da sport da scola.
Infurmaziuns davart il project «aktivdispens.ch» chattais Vus qua.
Mountainbike / pumptrack
Links ed apps