Persunas che retiran prestaziuns dal fond da sport èn obligadas – tenor la disposiziun dal departament u tenor il conclus da la Regenza – da duvrar correspundentamain las marcas graubündenSport e Swisslos en lur communicaziun. Cun il suandant formular d'empustaziun pudais Vus empustar material da promoziun, cun il qual Vus pudais preschentar omaduas marcas.
Formular per empustar material da promoziun
Inserats e logos per broschuras d'occurrenzas, per placats u per paginas d'internet
Las marcas graubündenSport e Swisslos pon vegnir duvradas sco logos u inserats en broschuras d'occurrenzas, en guids da festa, en carnets dal club, sin paginas d'internet e.u.v.
Tut ils logos pon vegnir chargiads giu sco datotecas da .png ed ils inserats sco datotecas da .jpg da las survistas qua sutvart. Tgi che giavischa auters formats cun ina dissoluziun pli gronda, po empustar quels sut sport@avs.gr.ch. Nus pudain er metter a disposiziun ils logos en il format .eps ed ils inserats sco .pdf.
Logos da graubündenSport e da Swisslos en il format .png
Cliccar sin la survista «logo» ed alura sin il logo giavischà. Silsuenter pudais Vus arcunar la datoteca sin Voss computer.
Inserats da graubündenSport e da Swisslos en il format .jpg
En las suandantas survistas pudais Vus chargiar giu l'inserat giavischà. Cliccar sin la «survista inserats» ed alura sin il logo giavischà. Silsuenter pudais Vus arcunar la datoteca sin Voss computer.
Duvrai per plaschair mo quests logos ed inserats per preschentar las marcas «graubündenSport» e «Swisslos». Per il diever dals logos a lunga vista, p.ex. sin vestgadira d'uniun, sin reclamas montadas a la banda e.u.v. sto en mintga cas vegnir dumandà in bun per stampa.
Banderolas da reclama
Blatgas da reclama pon vegnir retratgas tar graubündenSport, Quaderstrasse 17, 7001 Cuira. Nus supplitgain dentant d'As annunziar ordavant (guardar er qua survart il formular per empustar material da promoziun).
Portal da suflar si
Per occurrenzas spezialas As mettain nus gugent a disposiziun noss portal da suflar si.
Dimensiuns: 8 m lad e 6 m aut / indriz electric da 230 V sto esser avant maun.
(guardar er qua survart il formular per empustar material da promoziun).
Communicaziuns tras l'autpledader al lieu d'occurrenza
Per talas communicaziuns As supplitgain nus da duvrar las suandantas parolas:
- «Cun nossas cumpetenzas a tia passiun. Sco center da cumpetenzas sustegna graubündaSport cun blera passiun projects ed activitads en il sectur da la promoziun dal sport en il chantun.»
- «graubündenSport Promoziun chantunala dal sport»
- «Scumettai cun Sporttip! – e sustegnai uschia il sport grischun!»