Il chantun Grischun promova in sport fair, en il qual tut las persunas cun u senza impediments chattan lur plazza. La finamira principala è quella da promover che las uniuns da sport existentas s'avrian e concepeschian purschidas da trenament adattadas. En collavuraziun cun Special Olympics Switzerland vegn manà in Post da coordinaziun per il sport inclusiv.

Las incumbensas dal post da coordinaziun èn:

• assister e cussegliar uniuns da sport a concepir ed ad extender lur purschida per persunas cun impediments
• accumpagnar trenadras e trenaders sco er cussegliar ellas ed els areguard la scolaziun e la furmaziun supplementara
• cussegliar, infurmar e colliar en ina rait las famiglias pertutgadas
• collavurar cun scolas e cun instituziuns per persunas cun impediments
• cussegliar e sustegnair occurrenzas dal sport da massa cun il tema «inclusiun»

Contact
Martina Gäumann
Post da coordinaziun per il sport inclusiv dal chantun Grischun
gaeumann@specialolympics.ch
+41 79 176 29 54