Per construir, renovar u engrondir implants ed edifizis da sport pon vegnir finanziads 20 % dals custs totals or dal fond da sport. Exclus da questa prestaziun èn implants da sport ch'èn vegnids construids da corporaziuns publicas u che vegnan duvrads commerzialmain. Las lavurs da construcziun dastgan cumenzar pir, suenter che la contribuziun è vegnida garantida.

Avant che Vus emplenis il formular da dumonda online, As supplitgain nus da preparar ils suandants documents:

• cumpilaziun dals custs cun offertas e plan da finanziaziun incl. contribuziuns dal maun public e d'organisaziuns turisticas (en furma electronica)
• quint economic, bilantscha e rapport da revisiun dals ultims 2 onns (en furma electronica)
• indicaziuns davart atgnas prestaziuns da la petenta u dal petent (las uras da lavur da las commembras e dals commembers da l'uniun pon vegnir messas a quint cun 20 francs) (en furma electronica)
• extract dal register funsil (sch'ils implants èn en proprietad da l'organisaziun da sport petenta) (en furma electronica)
• contract da dretg da construcziun cun in eventual extract dal register funsil (sche l'implant vegn construì en dretg da construcziun) (en furma electronica)
• mussament da la durada d'utilisaziun d'almain 10 onns cun ina posiziun privilegiada per l'organisaziun da sport petenta (en cas da contribuziuns d'investiziun per implants ed edifizis da sport da terzas varts) (en furma electronica)
• ulteriurs documents: p.ex. plans u fotografias da l'implant (en furma electronica)
• indicaziun dal conto, sco ch'el è registrà tar la banca u tar la Posta

Plinavant As rendain nus attent che las Directivas concernent contribuziuns per stabiliments e per edifizis da sport ston vegnir observadas en mintga cas. Tenor l'art. 7c dastga vegnir cumenzà a construir ils implants da sport pir suenter avair obtegnì la garanzia da contribuziun.

Link al formular online