Navigation

Inhaltsbereich

Dumondas da stipendis ston vegnir inoltradas entaifer 3 mais suenter che la furmaziun resp. l'onn da scola ha cumenzà. Dumondas che vegnan inoltradas cun retard vegnan calculadas pro rata temporis. Il temp, per il qual i pon vegnir pajads stipendis, sto importar almain 3 mais. Stipendis ston vegnir dumandads da nov per mintga onn da furmaziun e na pon vegnir concedids ni en moda retroactiva ni ordavant.

Portal da stipendis

Tut las persunas petentas vegnan supplitgadas da duvrar quest formular da dumonda. Per mintga persuna en furmaziun, per la quala vulessan vegnir dumandads stipendis, sto vegnir avert in conto separà resp. sto vegnir fatg in login separà.
Il login resp. il conto è persunal. Il conto persunal permetta a la persuna en furmaziun d'inoltrar mo ina dumonda da stipendis per onn da furmaziun.

En il rom dal portal da stipendis extendì èn impurtantas las suandantas infurmaziuns:

  • las datas da las dumondas da stipendis terminadas en il passà n'han betg pudì vegnir surpigliadas
  • accounts da stipendis, tar ils quals n'han gì lieu pli naginas activitads suenter il 01-01-2018, èn vegnids stizzads e ston vegnir endrizzads da nov
  • accounts da stipendis, tar ils quals il nr. da la AVS na correspunda betg al nr. da la AVS en la dumonda, èn vegnids stizzads e ston vegnir creads da nov
  • Sch'ils accounts da stipendis vegnan surpigliads, vegn la persuna en furmaziun supplitgada da fixar in nov pled-clav tar l'emprim login

 

La lingua vegn tschernida en il browser sisum a dretga sur il buttun correspundent

→ Vinavant tar il portal da stipendis

 

En cas da dumondas As supplitgain nus d'ans contactar sur il formular da contact.

Formular da contact

 

Ulteriuras infurmaziuns impurtantas tar la procedura d'endataziun d'ina dumonda da stipendis:

  • Avant il cumenzament da la furmaziun resp. da l'onn da scola na pon vegnir inoltradas naginas dumondas.
  • La dumonda da stipendis è pir inoltrada, sch'il formular «Dumonda da stipendis (e-quittanza)» (1. pagina cun bloc da suttascripziuns) è vegnì tramess per posta al servetsch per stipendis.
    Agiuntas che n'èn betg vegnidas registradas en moda electronica en il portal da stipendis ston vegnir agiuntadas sin palpiri a la dumonda da stipendis.
  • Per ina dumonda da stipendis sto il termin d'inoltraziun vegnir observà en mintga cas (decisiv è il bul postal).
  • Sch'i n'èn betg avant maun tut ils documents necessaris per inoltrar la dumonda da stipendis, sto ella tuttina vegnir inoltrada entaifer il termin.
  • La cumprova che la dumonda da stipendis saja vegnida inoltrada entaifer il termin fixà sto vegnir furnida da la persuna petenta resp. da la persuna en furmaziun.