La Conferenza da las regenzas chantunalas (CdC) ha l'intent da promover la collavuraziun tranter ils chantuns en lur champ da cumpetenza, e da garantir – en fatschentas federalas relevantas per ils chantuns – la coordinaziun e l'infurmaziun necessaria dals chantuns. Ella s'occupa en spezial da dumondas concernent:

• la renovaziun e l'ulteriur svilup dal federalissem
• la repartiziun da las incumbensas tranter la confederaziun ed ils chantuns
• la furmaziun da la voluntad e la preparaziun da las decisiuns en la confederaziun
• l'execuziun d'incumbensas federalas tras ils chantuns
• la politica exteriura e la politica d'Europa

Commembers

Da la CdC fan part las regenzas da tut ils 26 chantuns.

Organisaziun

L'organ principal da la CdC è la radunanza plenara che ha lieu mintga quartal. Qua èn represchentads ils chantuns mintgamai tras ina commembra u in commember da la regenza cun mintgamai ina vusch, ed i vegn decidì davart las fatschentas politicas da la CdC.

La cumissiun directiva è l'organ directiv da la CdC. En la cumissiun directiva preparan nov cusseglieras guvernativas e cussegliers guvernativs da tut las regiuns las fatschentas da la radunanza plenara. Tenor l'urden da gestiun posseda la Svizra rumantscha in sez permanent en la cumissiun directiva. Quest sez è occupà actualmain da president da la Regenza dr. Christian Rathgeb.