La presidenta da la regenza Barbara Janom Steiner vegn a preleger dumengia proxima, il di da la rogaziun federala, il mandat da la rogaziun federala da la regenza en la baselgia Comander a Cuira. Engraziond ha Janom Steiner acceptà ina invitaziun correspundenta dal plevon Daniel Wieland. Il servetsch divin dals 16 da settember 2012 en la baselgia Comander da la plaiv evangelica Cuira cumenza a las 10.00.

Mintga onn, la terza dumengia da settember, vegn celebrada la rogaziun federala. Igl è tradiziun che la regenza grischuna redigia per quest firà interconfessiunal in uschenumnà mandat da la rogaziun federala. Quel vegn prelegì en las baselgias dapi passa 165 onns. El duai exprimer la colliaziun tranter la baselgia ed il stadi e renviar a las valurs fundamentalas cristianas per l'agir statal.


Gremi: departament da finanzas e vischnancas
funtauna: rg chanzlia chantunala dal Grischun