La Regenza ha decidì davart l'utilisaziun da la collecta da la Rogaziun federala 2025. Il retgav da la collecta da la Rogaziun federala dals 21 da settember 2025 vegn attribuì a trais organisaziuns d'utilitad publica. Ultra da quai prolunghescha la Regenza per ulteriurs 4 onns il program per la promoziun da la sanadad d'uffants e da giuvenils.
Collecta da la Rogaziun federala 2025
Tenor il conclus da la Regenza vegn mintgamai in
terz dal retgav da la collecta da la Rogaziun federala 2025 attribuì a las
suandantas organisaziuns che furneschan servetschs prezius a favur da la
populaziun grischuna: al Maun offert Svizra Orientala e Principadi da
Liechtenstein (telefon 143), a la Pro Juventute (147) ed a TECUM.
Il Di da la Rogaziun federala è ils 21 da settember 2025. Quel di vegn fatga en tut las baselgias dal chantun ina
collecta per intents d'utilitad publica. L'utilisaziun da tala vegn determinada
da la Regenza. En il quint 2024 ha la collecta importà 24000 francs. Per l'onn
2025 vegni quintà cun ina collecta da 21 000 francs.
Sut il numer 143 metta il Maun offert a
disposiziun di e notg ina purschida da discurs gratuita per persunas en
situaziuns da vita difficilas. Il post da consultaziun sa drizza a tut las
persunas – independentamain da la vegliadetgna, da la derivanza, da la religiun
u da la cultura – che sa chattan en ina situaziun d'urgenza psichica u che
dovran simplamain insatgi per discurrer. La purschida «147» è in post da
consultaziun da la Pro Juventute ch'è cuntanschibel di e notg per uffants e
giuvenils che vulessan sa confidar ad insatgi. La purschida è anonima, gratuita
ed accordada spezialmain als basegns da persunas giuvnas. L'uniun Tecum è sa
spezialisada sin l'accumpagnament da persunas grevamain malsaunas e muribundas
en il chantun Grischun. L'organisaziun sustegna persunas malsaunas e lur
confamigliars. Ils accumpagnaments vegnan purschids a chasa, en chasas da
persunas attempadas e da tgira sco er en ospitals
.
Tenor il conclus da la Regenza vegn mintgamai in terz dal retgav da la collecta da la Rogaziun federala 2025 attribuì a las suandantas organisaziuns che furneschan servetschs prezius a favur da la populaziun grischuna: al Maun offert Svizra Orientala e Principadi da Liechtenstein (telefon 143), a la Pro Juventute (147) ed a TECUM.
Il program grischun per la promoziun da la sanadad d'uffants e da giuvenils vegn prolungà
La Regenza ha prolungà il
program per la promoziun da la sanadad d'uffants e da giuvenils per ils
onns 2026 fin 2029. Quest program permetta da realisar ina vasta
paletta da projects e da mesiras, quai en collavuraziun cun las vischnancas,
cun las scolas e cun ulteriurs acturs. En il center stattan il rinforzament da
la sanadad psichica, la promoziun d'in nutriment equilibrà e d'in moviment
regular per uffants, giuvenils, giuvens creschids e per lur persunas da
referiment. Ulteriuras infurmaziuns chattais Vus sin la pagina d'internet dal Post
spezialisà per la promoziun da la sanadad.
La Regenza ha prolungà il program per la promoziun da la sanadad d'uffants e da giuvenils per ils onns 2026 fin 2029.
