Las elecziuns da la Regenza e dal Cussegl grond han lieu dumengia, ils 14 da zercladur 2026. La Regenza ha repartì ils sezs dal Cussegl grond sin ils circuls electorals.
Las elecziuns da renovaziun da la Regenza per la perioda d'uffizi dal 1. da schaner 2027 fin ils 31 da december 2030 han lieu dumengia, ils 14 da zercladur 2026. In eventual segund scrutini per las elecziuns da la Regenza è previs dumengia, ils 16 d'avust 2026. Per l'emprima giada vegni pretendì da las candidatas e dals candidats ch'els s'annunzian per las elecziuns. E las votantas ed ils votants pon da nov eleger cun far ina crusch sin il cedel electoral.
Ils 14 da zercladur 2026 han er lieu las elecziuns dal Cussegl grond per la perioda d'uffizi da l'emprim di da la sessiun d'avust 2026 fin al cumenzament da la sessiun d'avust 2030.
Repartiziun dals sezs dal Cussegl grond sin ils circuls electorals
La Regenza ha repartì ils sezs dal Cussegl grond sin ils circuls electorals. Decisiva per la repartiziun dals sezs è la populaziun svizra dals circuls electorals sin fundament da la statistica federala da la populaziun e da las chasadas (STATPOP). Spustaments da sezs datti tut en tut en dus circuls electorals: Il circul electoral Mesauc gudogna in sez, il circul electoral Tavau perda in sez.
La repartiziun dals 120 sezs dal Cussegl grond sin ils 39 circuls electorals po vegnir consultada sin la pagina d'internet dal chantun sut «Votaziuns ed elecziuns». La glista vegn ultra da quai publitgada en il Fegl uffizial chantunal.
Ulteriuras infurmaziuns davart las elecziuns 2026 stattan a disposiziun sin la pagina d'internet:
Agiunta:
Glista Repartiziun dals sezs sin ils circuls electorals
Infurmaziuns:
Claudia Hartmann Lütscher, vicechanceliera, Chanzlia chantunala, tel. +41 81 257 22 22 (cuntanschibla da las 10.00 fin las 11.00), e‑mail Claudia.Hartmann@staka.gr.ch
Responsabladad: Chanzlia chantunala