Navigation

Inhaltsbereich

Team Fachstelle Integration
 

Il post spezialisà per l'integraziun (Uffizi da migraziun e da dretg civil dal Grischun) è in post chantunal da consultaziun per dumondas d'integraziun en il sectur da la migraziun. El dirigia e coordinescha l'integraziun sin plaun chantunal e communal. Ultra da quai sustegna el las autoritads chantunalas e las vischnancas a realisar lur incumbensas d'integraziun. Tar sias incumbensas tutgi plinavant da colliar las autoritads, las instituziuns e las organisaziuns ch'èn activas en il sectur da l'integraziun.

Il post spezialisà è er responsabel per la promoziun specifica da l'integraziun en il chantun Grischun e per l'integraziun da persunas ch'èn admessas provisoricamain sco er da fugitivas e da fugitivs renconuschids.

En il center da sia lavur stat la promoziun da la convivenza paschaivla da la populaziun indigena ed estra en il chantun Grischun.

 

Voss team dal Post spezialisà per l'integraziun