Navigation

Inhaltsbereich

Responsabladad generala per www.gr.ch

Chanzlia chantunala dal Grischun
Chasa grischa
Reichsgasse 35
7001 Cuira

La responsabladad generala per ils cuntegns da la pagina d'internet www.gr.ch è chaussa da la chanzlia chantunala. Per las infurmaziuns sin las paginas d'internet dals departaments e dals posts da servetsch èn quels sezs responsabels.

Partenari da realisaziun

seven49.net AG, Cuira

Hosting

Uffizi d'informatica dal Grischun

Content management system

Las paginas da www.gr.ch vegnan administradas cun Microsoft SharePoint.

Concept grafic

skipp communications AG

Mesiras per paginas d'internet senza barrieras

Cumonds da tastatura

Cun differentas mesiras procurain nus ch'i saja pussaivel d'acceder a questas paginas d'internet senza barrieras:

  • cumpatibilitad da standard XHTML e CSS
  • code structurà
  • cumonds da tastatura

Cun agid dals cumonds da tastatura pudais Vus acceder svelt e facilmain ad elements impurtants da questa pagina d'internet. Infurmaziuns detagliadas davart ils cumonds da tastatura chattais Vus sin la pagina d'internet da las "directivas davart las paginas d'internet senza barrieras da W3C".

Cumonds da tastatura disponibels

Questa pagina d'internet metta a disposiziun cumonds da tastatura che s'orienteschan tenor las recumandaziuns dal post svizzer da certificaziun.

Tasta ed intent

0: directamain a la pagina iniziala
1: directamain a la navigaziun
2: directamain al cuntegn
3: directamain al contact
4: directamain a la sitemap
5: directamain a la tschertga

Exempels per utilisar cumonds da tastatura en ils browsers ils pli frequents (consultai l'agid online da Voss browser)

Internet Explorer 5+ (Windows):
Tegnair smatgà la tasta "Alt" e smatgar la tasta da la cifra inditgada

Firefox 2.0 (Windows):
Tegnair smatgà la tasta "Alt" e la tasta "Shift" e smatgar la tasta da la cifra inditgada

Engrondir la scrittira

L'engrondiment da la scrittira è ina part integrala da Voss browser. Las versiuns actualas da la gronda part dals browsers porschan – ultra da la regulaziun da la grondezza da la scrittira – er ina funcziun da marella che n'engrondescha betg mo la scrittira, mabain proporziunalmain l'entira vista. Plinavant chattais Vus funcziuns da marella er en ils programs auxiliars da standard dal sistem operativ respectiv.

Exempel: Funcziun da marella da l'Internet Explorer 7+ (Windows)
Engrondir: Tegnair smatgà la tasta "Ctrl" e smatgar la tasta "+" da las cifras
Empitschnir: Tegnair smatgà la tasta "Ctrl" e smatgar la tasta "-" da las cifras

Situaziun da partenza

Per persunas tschorvas e per persunas cun impediments da la vesida tutga l'internet tar las scuvertas las pli impurtantas dal tschientaner passà. Leger la gasetta, consultar in catalog u tschertgar infurmaziuns – avant n'era quai strusch pussaivel senza agid ester – e sche bain, alura mo cun gronds sforzs. Cun l'internet e cun la derasaziun d'ina tecnologia che translatescha la lingua scritta en la lingua discurrida, stat quest access ussa a disposiziun. Meglier ditg: stess a disposiziun. La software auxiliara (uschenumnada software da "screenreader" che legia il visur) po numnadamain reproducir mo, quai ch'è legibel per ella. Là, nua che las paginas d'internet dal chantun Grischun utiliseschan il nov sistem, èn questas premissas ademplidas. Tschertas paginas d'internet èn per part anc concepidas cun la tecnologia veglia convenziunala. Questas paginas vegnan dentant surpigliadas successivamain dal tuttafatg en il nov "content management system" tenor las reglas da paginas d'internet senza barrieras.

Sche tscherts cuntegns na duessan – cunter tuttas aspectativas – betg esser accessibels, As drizzai per plaschair a noss support d'internet websupport@gr.ch.

Indicaziuns giuridicas

En general

Il chantun Grischun metta a disposiziun ils cuntegns da la pagina d'internet www.gr.ch e www.gr-lex.gr.ch sco servetsch d'infurmaziun gratuit. Ils cuntegns servan a dar infurmaziuns generalas e na pretendan betg dad esser corrects e cumplets.

Cudesch da dretg grischun

Il cudesch da dretg grischun en l'internet n'ha nagin effect giuridic. Decisiva è sulettamain la versiun dals relaschs ch'è vegnida publitgada en il fegl uffizial dal chantun.

Exclusiun da la responsabladad

Il chantun Grischun guarda cun grond quità che las infurmaziuns publitgadas sajan correctas. Tuttina na poi vegnir surpiglià nagina garanzia che las infurmaziuns publitgadas sajan correctas, exactas, actualas, fidaivlas e cumplettas.

Pretensiuns da responsabladad cunter las autoritads chantunalas pervia da donns da gener material u immaterial ch'èn resultads tras l'access u tras l'utilisaziun resp. tras la nunutilisaziun da las infurmaziuns publitgadas, tras l'abus da la colliaziun u tras disturbis tecnics, vegnan exclus. Exclusa da la responsabladad è er la garanzia che la purschida online stettia permanentamain a disposiziun.

Il chantun Grischun sa resalva expressivamain il dretg da midar, da stizzar u da betg publitgar per in tschert temp – dal tuttafatg u per part – ils cuntegns, e quai da tut temp e senza annunzia.

Renviaments e links

La pagina d'internet cuntegna renviaments e links a paginas d'internet da terzas persunas. Quellas sa chattan ordaifer il champ da responsabladad dal chantun Grischun. L'access e l'utilisaziun da talas paginas d'internet han lieu sin agen ristg da l'utilisadra u da l'utilisader. Las autoritads chantunalas decleran expressivamain ch'ellas n'hajan nagina influenza sin la concepziun, sin il cuntegn e sin las purschidas da talas paginas d'internet.

Copyright

L'entir cuntegn da questa pagina d'internet è protegida tenor il dretg d'autura u d'autur (tuts dretgs resalvads). Tut ils dretgs da proprietad restan tar l'autura u tar l'autur. Da princip èsi permess da chargiar giu e da stampar cuntegns u parts dals cuntegns. Qua tras na vegnan dentant transferids nagins dretgs vi dals cuntegns. Senza avair ordavant il consentiment en scrit da las titularas e dals titulars dals dretgs d'autura u d'autur èsi scumandà da far reproducziuns e modificaziuns e da duvrar vinavant – per intents publics u commerzials – cuntegns da la pagina d'internet ch'èn protegids tenor il dretg d'autura u d'autur.

Protecziun da datas

Tar l'access a questa pagina d'internet na vegnan arcunadas naginas datas persunalas. Ils servers d'internet registreschan mo datas d'utilisaziun nunpersunalas. Quellas vegnan elavuradas uschia, che trends daventan visibels. Quai permetta da meglierar correspundentamain la purschida (evaluaziuns vegnan fatgas cun «Matomo» e cun «Siteimprove»). Da questas datas na vegnan tratgas naginas conclusiuns sin Vossa persuna.

Las datas persunalas, che Vus endatais en ils formulars da la pagina d'in post da servetsch per retrair in servetsch u per contactar voluntarmain quest post, vegnan transmessas en moda segira. Per elavurar Vossa dumonda vegnan las datas arcunadas unicamain sin l'infrastructura da l'administraziun chantunala ed utilisadas tenor las prescripziuns legalas dal post da servetsch respectiv. Las datas na vegnan betg dadas vinavant a terzas persunas ed er betg duvradas per auters intents.

Codaziun dad SSL
Per garantir la segirezza da Vossas datas tar la transmissiun, utilisain nus la procedura da codaziun (p.ex. SSL) che correspunda al stadi actual da la tecnica sur HTTPS.

Cookies
Sco bleras autras paginas d'internet dovra er questa pagina d'internet uschenumnads "cookies". Cookies èn pitschnas datotecas da text che vegnan transmessas d'in server sin Voss disc dir.
A maun da las infurmaziuns ch'èn cuntegnidas en cookies pudain nus As facilitar la navigaziun e pussibilitar ina visualisaziun correcta da nossas paginas d'internet. Cun cookies vegn en spezial er sustegnida la tscherna da la lingua per paginas rumantschas.
Ils browsers dad internet acceptan per regla cookies. Sur la configuraziun da Voss browser pudais Vus da tut temp deactivar l'utilisaziun da cookies. Resguardai per plaschair che singulas funcziuns da nossas paginas d'internet na funcziuneschan eventualmain betg, sche Vus avais deactivà l'utilisaziun da cookies.

CDN Content-Delivery-Network
Las paginas d'internet dal chantun Grischun utiliseschan soluziuns da CDN e servetschs dad AWS (Amazon Web Services) per accelerar e per gulivar las culminaziuns da traffic da datas. Tut ils servetschs dad AWS che vegnan utilisads correspundan a l'Ordinaziun da basa da la protecziun da datas da l'Uniun europeica (DSGVO). Ulteriuras infurmaziuns

Contact:
Dumondas davart il tema "protecziun da datas" pon vegnir drizzadas per e-mail a datenschutz@gr.ch.

Decleraziun davart la protecziun da datas per Siteimprove

Sin questa pagina d'internet vegn applitgà il tool Siteimprove per meglierar la qualitad da las paginas (SEO). Siteimprove eruescha las datas confurm a la DSGVO da l'Uniun europeica e sustegna noss content-managers ad observar la qualitad e la protecziun da datas. L'Ordinaziun da basa da la protecziun da datas da l'Uniun europeica (DSGVO) è ina directiva europeica cun influenza globala. Ulteriuras infurmaziuns