Ils 18 da settember 2023 avain nus dastgà beneventar las furmaturas ed ils furmaturs professiunals da l'administraziun chantunala dal Grischun en il Center d'instrucziun Meiersboden. Il tema da la dieta era «Protecziun da la sanadad: far frunt a grevezzas psichicas en la furmaziun professiunala».

Durant l'avantmezdi han las participantas ed ils participants pudì s'occupar da lur rolla/situaziun actuala sco furmatura professiunala u sco furmatur professiunal ed eruir las sfidas actualas. Il suentermezdi èn ellas ed els vegnids sensibilisads a maun d'in referat per il tema da las grevezzas psichicas. Ultra da quai han las participantas ed ils participants survegnì inputs per lur lavur quotidiana. Tut ils resuns èn vegnids rimnads e vegnan elavurads pli tard.