L'Exposiziun professiunala grischuna per la furmaziun fundamentala ed il perfecziunament professiunal (Fiutscher) dat ina invista cumplessiva dal mund da lavur. Er l'administraziun chantunala dal Grischun è puspè stada preschenta dals 15 fin ils 19 da november 2023 cun in stan.

Grazia al nov concept da stans han ins pudì sa preschentar per l'emprima giada ad in stan cuminaivel cun la Polizia chantunala e cun l'Uniun d'emploiadas e d'emploiads da vischnanca. Il stan ha purschì ina survista dals emprendissadis multifars ch'ins po far tar l'administraziun publica. Plinavant ha la Polizia chantunala pudì dar invistas captivantas da la professiun da polizia.

Las visitadras ed ils visitaders han gì l'occasiun da far experientschas praticas en intgins emprendissadis, entant che autras professiuns èn vegnidas preschentadas en moda visuala. Emprendistas ed emprendists sco er furmaturas e furmaturs professiunals da l'administraziun chantunala dal Grischun han ultra da quai infurmà al lieu davart tut ils emprendissadis tar l'administraziun publica.

L'exposiziun Fiutscher è stada per nus ina pussaivladad magnifica per preschentar noss 19 differents emprendissadis e per manar discurs interessants cun giuvenils, geniturs ed autras persunas interessadas.

-> Plazzas d'emprendissadi vacantas.