Nus avain grond plaschair che tut las emprendistas e tut ils emprendists da l'administraziun chantunala dal Grischun han pudì terminar cun success la procedura da qualificaziun 2023! Cordiala gratulaziun!
Tut en tut han dumagnà quest onn 32 emprendistas ed emprendists lur emprendissadi en ils suandants mastergns:
- 1 spezialist d'autos
- 2 creaturas da vestgadira
- 1 spezialist da commerzi en detagl
- 3 spezialistas e spezialists per il mantegniment dal manaschi
- 2 informatichers
- 18 commerziantas e commerziants
- 1 cuschiniera ed 1 cuschinier
- 1 pura ed 1 pur
- 1 practicist da mantegniment
Tut ils nums da nossas absolventas e noss absolvents sco er in inserat da gratulaziun èn cumparids venderdi, ils 7 da fanadur 2023, en l'agiunta uffiziala da la conclusiun dals emprendissadis en la "Südostschweiz" dal Grischun ed en il "Bündner Tagblatt".
Vuls ti suandar l'exempel da nossas absolventas e noss absolvents? Alura t'infurmescha davart nossas 19 differentas professiuns cun emprendissadi e nossas plazzas d'emprendissadi vacantas.
