Analisar – conservar – intermediar

L'archeologia perscrutescha l'istorgia e la vita da generaziuns da pli baud. Ella gida ils umans a chapir lur passà e lur derivanza e da concepir lur futur.

Il servetsch archeologic dal Grischun inventarisescha e protegia dapi l'onn 1967 ils lieus da chat ed ils chats dal chantun periclitads. El fa exchavaziuns ed è responsabel per ina conservaziun, per in deposit e per in'archivaziun moderna da chats e da documentaziuns. El intermediescha ils resultats en moda fitg variada a la populaziun ed a la scienza e stgaffescha uschia ina conscienza per il ritg patrimoni cultural da noss chantun.