En sia ultima sesida ha la regenza grischuna permess l'introducziun d'ina classa da talents a Tavau.

La regenza dat glisch verda ad ina classa da talents a Tavau
La regenza grischuna ha dà la permissiun per manar classas da talents a Tavau. Il concept inoltrà da la scola populara prevesa ina scola da talents sin il stgalim superiur per uffants cun duns sportivs u musicals. Cun in urari spezial survegnan las scolaras ed ils scolars talentads la pussaivladad da trenar respectivamain d'exercitar pli savens. La classa da talents vegn introducida successivamain a partir da l'onn da scola 2015/16. Cumenzar cun la scola pon l'avust pia mo scolaras e scolars da l'emprima classa superiura. La scola populara da Tavau è ultra da la Scola da talents Surselva e da la Scola sportiva Champfèr gia la terza scola populara che porscha ina classa da talents en il chantun Grischun.
Tenor la nova lescha da scola dovran las instituziuns ch'èn responsablas per la scola ina permissiun da la regenza per manar classas da talents. 


Gremi: regenza
Funtauna: rg chanzlia chantunala dal Grischun