En la sessiun d'avust 2015 vegnan ils resultats da las votaziuns dal cussegl grond mess per l'emprima giada cun ina glista dals nums sin la pagina d'internet dal chantun Grischun.

Tenor il conclus dal cussegl grond dal favrer 2015 ston ils resultats da las votaziuns vegnir publitgads en l'internet cun glistas dals nums, e quai a partir da la sessiun d'avust 2015. Uschia duai vegnir augmentada la transparenza e satisfatg al basegn d'infurmaziun da la populaziun grischuna.
Las publicaziuns vegnan fatgas durant la sessiun mintgamai entaifer 24 uras suenter ina votaziun. Ils resultats vegnan publitgads sin www.gr.ch – Institutionen – Parlament – Abstimmungen.


Infurmaziuns:
- Domenic Gross, manader dal secretariat dal cussegl grond, chanzlia chantunala, tel. 081 257 22 32, e-mail: Domenic.Gross@staka.gr.ch  


Gremi: chanzlia chantunala dal Grischun
Funtauna: rg chanzlia chantunala dal Grischun