Navigation

Inhaltsbereich

  • Erste Mitteilung
  • Neuen Beitrag einfügen
Ils 18 d'october 2015 elegian las votantas ed ils votants dal Grischun en las elecziuns dal cussegl naziunal e dal cussegl dals chantuns lur set represchentantas e represchentants per ils proxims quatter onns a Berna. In nov video da la chanzlia chantunala respunda sut www.gr.ch las dumondas las pli impurtantas pertutgant las elecziuns.

Proximamain survegnan las votantas ed ils votants dal chantun Grischun ina posta impurtanta – ils documents per las elecziuns dal cussegl naziunal e dal cussegl dals chantuns. Sin l'emprima egliada na para l'elecziun betg uschè simpla. Tge cedels electorals stoss jau duvrar? Co funcziuna il cumular ed il panaschar? Co va la procedura da proporz, co quella da maiorz? Tge èn colliaziuns da glistas?
Il nov video da la chanzlia chantunala declera tge pussaivladads ch'il dretg d'eleger dat a las votantas ed als votants e tge ch'ins sto observar, per che la vusch saja valaivla.

 
Infurmaziuns:
- Walter Frizzoni, vicechancelier, chanzlia chantunala dal Grischun, tel. 081 257 22 22, e-mail: Walter.Frizzoni@staka.gr.ch   


Gremi: chanzlia chantunala
Funtauna: rg chanzlia chantunala
Neuer Artikel