Infurmaziun concernent il dumber d'electurs:

En in emprim pass – tar l'uschenumnada attribuziun superiura – vegnan consideradas tut las vuschs consegnadas sin plaun chantunal. Ils 120 sezs dal Cussegl grond vegnan repartids sin las singulas partidas confurm a las quotas d'electuras ed electurs ch'ellas han cuntanschì. Per che las vuschs che las partidas han cuntanschì en ils singuls circuls electorals possian vegnir cumparegliadas sin plaun chantunal, e per che mintga vusch quintia tuttina bler, dovri ina valitaziun. Per quest intent vegnan las vuschs ch'ina partida ha cuntanschì, mintgamai divididas tras il dumber da sezs ch'èn d'occupar en il circul electoral respectiv. Il resultat da quai è il dumber d'electurs.