Navigation

Seiteninhalt

Midada en il servetsch da medias da la polizia chantunala grischuna

  • Erste Mitteilung
  • Neuen Beitrag einfügen
20 onns a la lunga è stà Alois Hafner il schef da medias tar la polizia chantunala grischuna. Cun grond engaschament e cun bun success ha el concepì e manà il servetsch da medias. Mez favrer 2007 prenda Alois Hafner cumià dal servetsch tar la polizia e va anticipadamain en pensiun.

La direcziun dal servetsch da medias da la polizia chantunala grischuna surpiglia Anna Maria Elmer-Cantieni. Quest pensum cumpiglia er il post spezialisà per prevenziun ch'è vegnì incorporà en il servetsch da medias il cumenzament d'october 2006. Cun fusiunar la communicaziun e la prevenziun han ins obtegnì sinergias ed optimà ils andaments da lavur.

Adj suff Daniel Zinsli, fin ussa schef da post a Landquart, è vegnì elegì sco viceschef dal servetsch da medias/prevenziun (SMP).

Polizia chantunala grischuna, servetsch da medias/prevenziun, Ringstrasse 2, 7001 Cuira, telefon 081 284 11 44, telefax 081 257 79 08, mediendienst@kapo.gr.ch, www.kapo.ch, www.strassen.gr.ch

Cumià ed engraziament
Suenter 40 onns da servetsch tar la polizia chantunala grischuna, da quels 20 onns sco schef da medias e sco viceschef da stab, profitesch jau da la schanza e da l'occasiun da ma laschar pensiunar anticipadamain. Cun plaschair e cun satisfacziun guard jau enavos sin ina lavur fitg attractiva, sin numerus inscunters zunt enritgints e colleghials. Jau giavisch ad Anna Maria ed a Daniel mo il meglier per l'avegnir. Da Vus, stimadas dunnas e stimads signurs, charas collegas e chars collegas, prend jau cumià e giavisch a Vus tuttas ed a Vus tuts in bun temp.
Alois Hafner


Quelle: Kantonspolizei Graubünden
Neuer Artikel