En in accident chaschunà sez tranter Miralago e Le Prese è in auto da persunas vegnì donnegià totalmain il mardi avantmezdi. La manischunza dal vehichel n'è per fortuna betg sa blessada.

L'automobilista charrava da Campocologno en direcziun da Puschlav. En ina storta a dretga sin la via sper il lai, en il territori da Bosch dai Cole, ha ses vehichel cumenzà a glischnar sin il vial ch'era bletsch pervia da la plievgia. L'auto è schlittà sin il vial oppost ed è collidà fermamain cun la saiv directiva. Alura è el vegnì bittà enavos sin il vial, ha traversà ina segunda giada il vial ed è collidà cun la saiv directiva a dretga. Cun la vart davant che guardava enavos è il vehichel la finala sa fermà sin la mesadad dretga dal vial.

Quelle: polizia chantunala dal Grischun